ଭୁବନେଶ୍ୱର,(ଏଟିଆର ବ୍ୟୁରୋ) : ମଞ୍ଚେଶ୍ୱର ଥାନା ଅଧିନରେ ଏକ ବଡ଼ ଧରଣର ଚୋରି ହୋଇଛି । ଘରର ଝରକା ଭାଙ୍ଗି ନଗଦ ୨ଲକ୍ଷରୁ ଅଧିକ ଟଙ୍କା ସହ ସୁନା ଅଳଙ୍କାର ଚୋରି ହୋଇଥିବା ଜଣାପଡିଛି । ଏନେଇ ଅଭିଯୋଗ ହେବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି । ମିଳିଥିବା ରିପୋର୍ଟ ଅନୁସାରେ, ମଞ୍ଚେଶ୍ୱର ଚକେଇସିଆଣି ଅଞ୍ଚଳରେ ରହନ୍ତି ଉକ୍ରଳ କେଶରୀ ପ୍ରଧାନ ।
ଗତକାଲି ବିଳମ୍ବିତ ରାତିରେ କେତେକ ଦୁର୍ବୃତ୍ତ ଝରକା ଭାଙ୍ଗି ଘରେ ପଶିଥିବା ବେଳେ ପରେ ଲକର ଭାଙ୍ଗି କଳାକନା ବୁଲାଇଥିଲେ । ସକାଳୁ ଘଟଣା ସମ୍ପର୍କରେ ଜାଣିବା ପରେ ଏନେଇ ଥାନାରେ ଅଭିଯୋଗ କରାଯାଇଛି । ସେପଟେ ଗତ କିଛିଦିନ ହେବ ଚକେଇସିଆଣି ଅଞ୍ଚଳରେ ଚୋରଙ୍କ ଉତ୍ପାତ ବଢ଼ିବାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଗତ ଦୁଇଦିନ ତଳେ ଏକ ବାଇକ ଚୋରି ହୋଇଥିବା ବେଳେ ଏହାର ସିସିଟିଭି ଫୁଟେଜ ମଧ୍ୟ ପୁଲିସର ହସ୍ତଗତ ହୋଇଛି । ତେବେ ସ୍ଥାନୀୟ ଅଞ୍ଚଳରେ ଆଉ ଟିକେ ପୁଲିସ ଜୋରଦାର ପାଟ୍ରୋଲିଂ କରିବାକୁ ଲୋକେ ଦାବି କରିଛନ୍ତି ।
