ଭୁବନେଶ୍ୱର,(ଏଟିଆର ବ୍ୟୁରୋ): ଗୋଟିଏ ମାଙ୍କଡ଼ ପାଇଁ ଆଜି ନାକରେ କାନ୍ଦିଛନ୍ତି ଟାୱାର କର୍ମଚାରୀ । ଉପୟାଶୂନ୍ୟ ହୋଇ ପାଖାପାଖି ୪ଘଣ୍ଟା କାଳ ଝାଳନାଳ ହୋଇଛନ୍ତି । ମାଙ୍କଡ଼ ଯଦିଓ ସେମାନଙ୍କର କିଛି କ୍ଷତି କରିନାହିଁ ତଥାପି କର୍ମଚାରୀଙ୍କୁ ଢ଼େର ସମୟର ଟାୱାରରୁ ଓହ୍ଳାଇବାକୁ ଦେଇନଥିଲା । ଏଭଳି ଏକ ଘଟଣା ଘଟିଛି ବମିଖାଲ ଅଞ୍ଚଳରେ ।
ପରେ ଅଗ୍ନିଶମ ବିଭାଗ ପହଞ୍ଚି ମାଙ୍କଡ଼କୁ ଘଉଡାଇବା ପରେ ଟାୱାର ଉପରେ ଥିବା କର୍ମଚାରୀ ତଳକୁ ଓହ୍ଳାଇବାକୁ ସକ୍ଷମ ହୋଇଥିଲେ । ମିଳିଥିବା ରିପୋର୍ଟ ଅନୁସାରେ, ଏକ ମୋବାଇଲ ଟାୱାର ମରାମତି କରିବା ଲାଗି ୨ଜଣ କର୍ମଚାରୀ ଟାୱାର ଉପରେ ଚଢ଼ିଥିଲେ । ଠିକ ଏହି ସମୟରେ ଏକ ମାଙ୍କଡ଼ ଟାୱାର ଉପରେ ଚଢ଼ିଯାଇଥିଲା । ମାଙ୍କଡ଼କୁ ଦେଖି କର୍ମଚାରୀ ଭୟଭିତ ହୋଇପଡିଥିଲେ । ମାଙ୍କଡ଼କୁ ଘଉଡାଇବାକୁ ଚେଷ୍ଟା କରିଥିଲେ ମଧ୍ୟ ସେ ଓହ୍ଲାଇବା ବଦଳରେ ଓଲଟି ଟାୱାର ଉପର ଆଡକୁ ଚଢ଼ିଯାଇଥିଲା । ଏହାଦେଖି ଉପାୟଶୂନ୍ୟ ହୋଇ କର୍ମଚାରୀମାନେ ଶେଷରେ ଅଗ୍ନିଶମ ବିଭାଗକୁ ଖବର ଦେଇଥିଲେ ।
