କଟକ(ଏଟିଆର ବ୍ୟୁରୋ): ପୁଣି କଟକରୁ ଧଳା ଜହର ଜବତ ହୋଇଛି । ଏହି ଧଳା ଜହରର ଚେର ବାଲେଶ୍ୱରରୁ ଆରମ୍ଭ ହୋଇ ରାଜ୍ୟର ପ୍ରତିଟି କୋଣରେ ପହଞ୍ଚି ସାରିଲାଣି । ସେହିରି ଆଜି କଟକ ଗଡଗଡିଆ ନିକଟରୁ ଜଣେ ଯୁବକଙ୍କ ପାଖରୁ ବ୍ରାଉନ ସୁଗାର ଜବତ କରିବା ସହ ଯୁବକଙ୍କୁ ଗିରଫ କରିଛି କେନ୍ଦ୍ରାଞ୍ଚଳ ଅବକରୀ ଗୁଇନ୍ଦା ବିଭାଗ । ଗିରଫ ଯୁବକ ଜଣଙ୍କ ହେଲେ ମାଛୁଆ ବଜାର ଅଞ୍ଚଳର ବଳରାମ ବେହେରା । ସୂଚନା ଅନୁସାରେ ବଳରାମ ବହୁ ଦିନ ହେବ କଟକ ଅଞ୍ଚଳରେ ଧଳା ଜହର କରବାରରେ କରିଆସୁଥିଲା ।
ଆଜି ଦିନ ଦୁଇଟା ବେଳେ ବଳରାମ ଗଡଗଡିଆ ନିକଟରୁ ବ୍ରାଉନ ସୁଗାର କାରବାର କରିବା ପାଇଁ ଉଦ୍ୟମ କରୁଥିଲା ବେଳେ ସାଧା ପୋଷକରେ ଥିବା ଗୁଇନ୍ଦା ବିଭାଗ ତାକୁ ଗିରଫ କରିଥିଲା । ଏତେ ପରିମାଣର ବ୍ରାଉନ ସୁଗାର ବଳରାମ ବ୍ୟବସାୟ କରିବା ଉଦ୍ଦ୍ୟଶରେ କିଣି ଥିବା କଥା ସ୍ୱୀକାର କରିଛି । ଏହା ସହ ଜଳେଶ୍ୱରରୁ ଜଣେ ବ୍ୟବସାୟୀ ବଳରାମକୁ ଏହି ବ୍ରାଉନ ସୁଗାର ଆଣି ଯୋଗାଇ ଦେଉଥିଲା ବୋଲି ମଧ୍ୟ ସେ କହିଛି । ଆଗରୁ ମଧ୍ୟ ସେ ଏହି ବ୍ୟବସାୟ କରି ଗିରଫ ହୋଇ ଥିବାର ଜଣାପଡିଛି । ଜବତ ହୋଇ ଥିବା ବ୍ରାଉନ ସୁଗାରର ଆନୁମାନିକ ମୂଲ୍ୟ ୧୦ଲକ୍ଷ ଟଙ୍କା ହେବ ବୋଲି ଜଣାପଡିଛି । ତେବେ ପୋଲିସ ଜଳେଶ୍ୱରରୁ ଆଣି ଯୋଗାଉ ଥିବା ବ୍ୟବସାୟୀକୁ ଖୋଜିବା ସହ ବଳରାମ ସହ ଅନ୍ୟ କେଉଁ ମାନେ ଏହି ବ୍ୟବସାୟ ରେ ସାମିଲ ଅଛନ୍ତି ତାର ତଦନ୍ତ ଆରମ୍ଭ କରିଛି ।
