ବଲାଙ୍ଗିର(ଏଟିଆର ବ୍ୟୁରୋ):ଦିନକୁ ଦିନ ସାଇବର କ୍ରାଇମ୍ ଯେଉଁଭଳି ଭାବରେ ଦୃତଗତିରେ ବଢିଚାଲିଛି । ଏହା ଏବେ ସମସ୍ତଙ୍କ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି । ଏଥିରୁ ରକ୍ଷା ପାଇବା ପାଇଁ ପୋଲିସ ଅନେକ ପଦକ୍ଷପମାନ ଗ୍ରହଣ କରୁଛି ସତ କିନ୍ତୁ ଏହା ସେପରି କିଛି ଆଖି ଦୃଷ୍ଟିଆ କାମ ଦେଉନାହିଁ । କେବଳ ଯେ ସାଧାରଣ ଲୋକ ଏଥିପାଇଁ ଅସୁବିଧା ଭୋଗ କରୁଛନ୍ତି ତାହା ନୁହେଁ ଅଭିନେତା ଠାରୁ ଆରମ୍ଭ କରି ରାଜନେତା ସମସ୍ତେ ଏହାର କରାଳ ଜାଲରେ । ପାଟଣାଗଡ ବିଧାୟକସରୋଜ ମେହେରଙ୍କ ସହ ଘଟିଛି ଏହିଭଳି ଏକ ଘଟଣା । ତାଙ୍କ ନାମରେ କେହି ଜଣେ ଅସାମାଜିକ ଲୋକ ଫେସବୁକରେ ଏକ ନକଲି ଆକାଉଣ୍ଟ ଖୋଲି ଠକେଇ ଉଦ୍ୟମ କରୁଥିଲେ । ହେଲେ ବଲାଙ୍ଗିର ପୋଲିସ ସେହି ଯୁବକକୁ ବସଷ୍ଟାଣ୍ଡରୁ ମାଡି ବସିଲା ପୋଲିସ । ସୂଚନା ମୁତାବକ, ଯୁବକ ଜଣକ ବିଧାୟକଙ୍କର ନକଲି ଆକାଉଣ୍ଟ ଖୋଲି ଗୋଟିଏ ମୋବାଇଲ ଦୋକାନକୁ ମୋବାଇଲଟିଏ ପଠାଇବାକୁ ମେସେଜ କରିଥିଲେ । ଦୋକାନୀ ମାଲିକ ଜଣକ ବିଧାୟକଙ୍କୁ ଭେଟିବା ପରେ ଏ ବାବଦରେ କହିଥିଲେ । ଏହାଏକ ଫେକ୍ ଆକାଉଣ୍ଟ ବୋଲି ଜାଣିବା ପରେ ବିଧାୟକ ପୋଲିସ ପାଖରେ ଅଭିଯୋଗ କରିଥିଲେ ।
