ମୟୁରଭଞ୍ଜ(ରାଜ୍ ଗୁପ୍ତା): ମୟୁରଭଞ୍ଜ ଜିଲ୍ଲା ଶୁକୃଳି ବ୍ଲକ ଅନ୍ତର୍ଗତ ବାରିଆ ପଞ୍ଚାୟତ ଗ୍ରାମରେ ମାଓବାଦୀ ପୋଷ୍ଟର ଲଗାଯାଇଥିବା ଦେଖିବାକୁ ମିଳିଛି । ଏହାକୁ ଦେଖି ଗ୍ରାମରେ କୋକୁଆ ଭୟ ଦେଖାଦେଇଛି । ଗ୍ରାମର ମଧ୍ୟସ୍ଥଳୀରେ ଗତକାଲି ଏକ କାଗଜ ପୋଷ୍ଟର ନାଲି କାଳିରେ ଲେଖା ଯାଇଥିବା ଗ୍ରାମବାସୀ ଦେଖିବାକୁ ପାଇଥିଲେ । ଯେଉଁଥିରେ ଲେଖା ଯାଇଥିଲା ୨ ତାରିଖ ସୁଦ୍ଧା ୧୦ ଲକ୍ଷ ଟଙ୍କା ନଚେତ ୧୦୦ କୁଇଣ୍ଟାଲ ଚାଉଳ ଦିଆଯାଉ । ଏହା ସହ ସେଥିରେ ଲେଖାଯାଇଛି ଯେ ଆମ କଥାକୁ ମଜା ଭାବିବେନାହିଁ ।
ଏଇ ଦିନେ ଦୁଇଦିନ ମଧ୍ୟରେ ଆମେ ଏମିତି କିଛି କାମ କରି ଧମାଲ କରିବୁ ଯେ ଆପଣମାଙ୍କ ବିଶ୍ୱାସ ହୋଇଯିବ । ଶେଷରେ ଜୟ ମାଓବାଦୀ ଲେଖାଯାଇଛି । ଏପରି ଘଟଣାକୁ ନେଇ ଗ୍ରାମରେ ହଇଚଇ ଦେଖାଦେଇଛି । ଏଭଲି ଘଟଣା ଶୁକୃଳି ଅଂଚଳରେ ପ୍ରଥମ ଥର ପାଇଁ ଦେଖାଯାଇଛି । ତେବେ ରରୁଆଁ ଥାନା ଅଧିକାରୀ ଦିବ୍ୟକାନ୍ତି ଲାକ୍ରାଙ୍କୁ ପଚାରିବାରୁ ସେ ଏହି ଘଟଣା ଉପରେ ନଜର ରଖିଥିବା ସୂଚନା ଦେଇଛନ୍ତି ।
