ବାଲେଶ୍ୱର(ଏଟିଆର ବ୍ୟୁରୋ):ଦିନକୁ ଦିନ ଯୁବପିଢି ନିଶା ଆଡକୁ ଏତେ ମାତ୍ରରେ ଅଗ୍ରସର କରିଲେଣି ଯେ ସେମାନେ କୌଣସି ବି ଅପରାଧ କରିବାକୁ ପଛଘୁଞ୍ଚା ଦେଉନାହାନ୍ତି । ପୋଲିସ୍ ଠାରୁ ଆରମ୍ଭ କରି ସ୍ୱଚ୍ଛାଚାରୀ ସଗଂଠନମାନେ ଯେତେ ନିଶା ଦମନ କରିବାରେ ଉଦ୍ୟମ କଲେ ମଧ୍ୟ ଏହା ଯେପରି କାର୍ଯ୍ୟରେ ଆସୁନାହିଁ ।ଏହିଭଳି ଏକ ଘଟଣା ଘଟିଛି ବାଲେଶ୍ୱର ଜିଲ୍ଲାରେ । ବାଲେଶ୍ୱର ଜିଲ୍ଲା ସିମୁଳିଆ ଥାନା ପୋଲିସ ୨ଜଣ ଯୁବକକୁ ଗିରଫ କରିଛି । ଯାହାଙ୍କ ପାଖରୁ ପାଖାପାଖି ୩୮.୬୪ଗ୍ରାମର ବ୍ରାଉନ ସୁଗାର ପୋଲିସ ଜବତ କରିଛି , ଯାହାର ମୂଲ୍ୟ ପ୍ରାୟ ୫ଲକ୍ଷରୁ ଅଧିକ ଟଙ୍କା ହେବ । ଏହି ଦୁଇ ଯୁବକ ହେଲେ ଆଶିକ ଖାଁନ ଓ ଫେୟଜ ମହମ୍ମଦ । ଯୁବକ ଦ୍ୱୟ ଖୋର୍ଦ୍ଧା ଜିଲ୍ଲାର ବୋଲି ଜଣାପଡିଛି । ସୂଚନା ମୁତାବକ ଏମାନେ ବାଲେଶ୍ୱରରୁ ବ୍ରାଉନ ସୁଗାର ନେଇ ଭଦ୍ରକ ଅଭିମୁଖେ ଯାଉଥିବା ବେଳେ ବିଶେଷ ସୂତ୍ରରୁ ପୋଲିସ୍ ଖବର ପାଇ ସେମାନଙ୍କୁ ୧୬ନମ୍ବର ଜାତୀୟ ରାଜପଥରୁ ଗିରଫ କରିଛି । ବାଇକ ଯୋଗେ ଯାଉଥିବା ବେଳେ ସେମାନଙ୍କୁ କାବୁ କରିଛି ପୋଲିସ । ଦୁଇ ଯୁବକଙ୍କୁ ଗିରଫ କରିବା ସହ କୋର୍ଟ ଚାଲଣ କରାଯାଇଛି ।
