ସମ୍ବଲପୁର (ଏଟିଆର ବ୍ୟୁରୋ); ଗୋଇରା ମଠ ପାଖ ନଦୀ ପୋଲ ତଳୁ ମିଳିଲା ସମ୍ବଲପୁରୀ ଆଲବମ ହିରୋଇନଙ୍କ ମୃତଦେହ । ତାଙ୍କ ନାଁ ସିମରନ ସିଂ । ସେଲଫି ବେବୋ ନାଁରେ ବେଶ୍ ପରିଚିତ ଥିବା ସିମରନ୍ ଙ୍କ ମୃତ୍ୟୁକୁ ନେଇ ଏବେ ଉଠିଛି ଅନେକ ପ୍ରଶ୍ନ । ସବୁଠୁ ବଡ କଥା ହେଉଛି ସିମରନ୍ ଙ୍କ ମୃତ୍ୟୁ ଦୁର୍ଘଟଣା ଜନିତ ନା ଏକ ଷଡଯନ୍ତ୍ର ତାହା ସ୍ପଷ୍ଟ ହୋଇନାହିଁ । ସେପଟେ ଏହା ଏକ ଯୋଜନା ବଦ୍ଧ ହତ୍ୟା ବୋଲି ଅଭିଯୋଗ ଆଣିଛନ୍ତି ଅଭିନେତ୍ରୀଙ୍କ ମା । ସିଧା ସଳଖ ସିମରନ୍ ଙ୍କ ସ୍ୱାମୀ ହିଁ ହତ୍ୟାକାରୀ ବୋଲି ସେ ଜଣାଇଛନ୍ତି ।
କିଛି ମାସ ତଳେ ସିମରନ୍ ଲଭ୍ ମ୍ୟାରେଜ୍ କରିଥିଲେ । ହୁଏତ ପାରିବାରିକ କଳହକୁ କେନ୍ଦ୍ରକରି ଏହି ହତ୍ୟା କରାଯାଇଛି ବୋଲି ଅନୁମାନ କରାଯାଉଛି । ତେବେ ରିପୋର୍ଟ ଅନୁସାରେ ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ସିମରନ ଗତକାଲି ଭବାନୀ ପଟଣା ଯାଇଥିଲେ । ଫେରିବା ସମୟରେ ଦୁର୍ଘଟଣା ଘଟିବା ଯୋଗୁଁ ଏଭଳି ହୋଇଥାଇ ପାରେ ବୋଲି ମଧ୍ୟ କଥା ଏଡାଇ ଯାଇ ହେବ ନାହିଁ । ତେବେ ଉଭୟ ଦିଗକୁ ନଜରରେ ରଖି ପୋଲିସ୍ ତନାଘନା ଚଳାଇଛି । ଅପେକ୍ଷା ରହିଛି ପୋଷ୍ଟମର୍ଟମ ରିପୋର୍ଟକୁ । ଯେଭଳି ଭାବେ ସିମରନ୍ ଙ୍କ ଶରୀର ସମେତ ମୁହଁରେ ଅନେକ କ୍ଷତ ରହିଛି ତାହା ହତ୍ୟା ଆଡକୁ ଇଙ୍ଗିତ କରୁଥିବା ବେଳେ ପୋଷ୍ଟମର୍ଟମ ରିପୋର୍ଟ ହିଁ ଏହାର ପର୍ଦାଫାସ୍ କରିବ ।
ଜଣେ ଆଗଧାଡିର ଅଭିନେତ୍ରୀ ଭାବେ ଖୁବ୍ କମ୍ ଦିନରେ ଚର୍ଚ୍ଚାକୁ ଆସିଥିବା ସିମରନ୍ ଙ୍କ ପଛରେ ବେବସାୟିକ ଶତୃତା ଥିବା କଥା ମଧ୍ୟ ବିଶେଷ ସୂତ୍ରରୁ ସୂଚନା ମିଳିଛି । ଏହି ଦିଗରେ ଖୋଳତାଡ କଲେ ହୁଏତ ମୃତ୍ୟୁ ପଝର କାରଣ ସାମ୍ନାକୁ ଆସିବ । ଅନ୍ୟପଟେ ଅଚାନକ୍ ସିମରନ୍ ଙ୍କ ମୃତ୍ୟୁଙ୍କୁ ନେଇ ଆଏବମ୍ ଇଣ୍ଡଷ୍ଟ୍ରିରେ ଶୋକର ଛାୟା ଖେଳି ଯାଇଛି ।
