ପଦ୍ମପୁର (ଏଟିଆର ବ୍ୟୁରୋ): ବରଗଡ ଜିଲ୍ଲା ପଦ୍ମପୁରରେ ହାତୀଙ୍କ ଆତଙ୍କ ଦେଖିବାକୁ ମିଳିଛି । କନ୍ଦାଡଙ୍ଗର ପଞ୍ଚାୟତ ସମିତିର ସଭ୍ୟ ଧୋବା ନାୟକଙ୍କୁ ହାତୀ ଦଳି ଦେବାରୁ ତାଙ୍କର ମୃତ୍ୟୁ ଘଟିଛି ।
ଗତକାଲି ରାତିରେ ଧୋବା ନାୟକ ତାଙ୍କ ଧାନ ଖଳା ଜଗିଥିଲେ । ସେତେବେଳେ ଅଚାନକ୍ ଏକ ହାତୀ ତାଙ୍କ ଖଳା ଭିତରକୁ ପଶି ଆସିଥିଲା । ଧାନ ଖଳା ନଷ୍ଟ ନହେବା ପାଇଁ ଧୋବା ନାୟକ ହାତୀକୁ ଘଉଡାଇଲା ବେଳେ ହାତୀ ତାଙ୍କ ଉପରକୁ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ଖବରପାଇ ପୋଲିସ ଓ ବନବିଭାଗ କର୍ମଚାରୀ ପହଁଚି ତଦନ୍ତ ଆରମ୍ଭ କରିଛନ୍ତି ।
