ରାଉରକେଲା ( ଏଟିଆର ବ୍ୟୁରୋ): ରାଉରକେଲାରେ ପୁଣି ଲଜ୍ଜା । ପୂଜା ବୁଲେଇ ନେବା ନାଁରେ ଦୁଷ୍କର୍ମ! ତିନି ଜଣଙ୍କ ନାମରେ ଅଭିଯୋଗ । ଏଇ ନିକଟରେ ଦୁଷ୍କର୍ମକୁ ନେଇ ଉଠୁଥିବା ପଡୁଥିବା ଷ୍ଟିଲ ସିଟିରେ ପୁଣି ଜଣେ ନାବାଳିକାଙ୍କୁ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ସେକ୍ଟର ୭ ଥାନାରେ ଏନେଇ ମାମଲା ରୁଜୁ ହୋଇଛି । ଖବର ମୁତାବକ ନାବାଳିକା ଜଣଙ୍କୁ ତାଙ୍କର ତିନି ଜଣ ସାଙ୍ଗ ପୂଜା ବୁଲାଇ ନେବାକୁ କହିଥିଲେ ।
ନାବାଳିକା ଜଣଙ୍କ ମଧ୍ୟ ସାଙ୍ଗ ମାନଙ୍କ ସହିତ ପୂଜା ବୁଲିବାକୁ ବାହାରିଥିଲେ । ତେବେ ତିନିଜଣ ଯୁବକ ନାବାଳିକାଙ୍କୁ ପାଖରେ ଥିବା ଘାସ ପଡିଆରେ ରାତି ୧୨ ଟା ବେଳେ ଦୁଷ୍କର୍ମ କରିଥିଲେ । ଏମିତିକି ତିନିଜଣ ଘରେ ନ କହିବାକୁ ଧମକ ଦେଇଥିଲେ । ନାବାଳିକା ଜଣଙ୍କ ଏନେଇ ପରିବାର ଲୋକଙ୍କ ଆଗରେ କହିବା ପରେ ପରିବାର ଲାକ ଥାନାରେ ଅଭିଯୋଗ କରିଛନ୍ତି । ଗତ ୨୨ ତାରିଖରେ ଏହି ଘଟଣା ଘଟିଥିବା ଜଣା ପଡିଛି । ତେବେ ଅଭିଯୋଗକୁ ଭିତ୍ତି କରି ପୋଲିସ ୩ ଜଣଙ୍କୁ ଅଟକ ରଖିଛି । ନାବାଳିକାର ଡାକ୍ତରୀ ମାଇନା ପାଇଁ ପୋଲିସ ପଠାଇଛି ।
