ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡର ଅପକମିଂ ଫିଲ୍ମ ‘ଟୋକାଟା ଫସିଗଲା’ର ରିଲିଜ୍ କୁ ଅନେଇ ବସିଛନ୍ତି ଦର୍ଶକ । କାରଣ ଫିଲ୍ମଟି ରିଲିଜ୍ ହେବା ପୂର୍ବରୁ ଫିଲ୍ମରେ ଥିବା ଏକ ଗୀତ ପାଇଁ ଚାରିଆଡେ ଚର୍ଚ୍ଚା ହେଉଛି । ଛୋଟଠାରୁ ଆରମ୍ଭ କରି ବୟସ ପର୍ଯ୍ୟନ୍ତ ସମସ୍ତେ ଏହି ଫିଲ୍ମର ‘ମାୟାରେ ବାୟା’ ଗୀତରେ ବାୟା ହେଉଥିବାର ଦେଖିବାକୁ ମିଳୁଛି । ନିକଟରେ ଏହି ଫିଲ୍ମର ଗୀତରେ ଜଣେ ମାତାଲିଆଙ୍କ ଡ୍ୟାନ୍ସ ଭାଇରାଲ ହେବାରେ ଲାଗିଛି ।
ସାର୍ଥକ ବ୍ୟାନନରେ ପ୍ରସ୍ତୁତ ହେବାକୁ ଥିବ ଏହି ଫିଲ୍ମର ମୁଖ୍ୟ ଭୂମିକାରେ ଚକଲେଟ୍ ବୟ ସବ୍ୟସାଚୀ ଥିବା ବେଳେ ତାଙ୍କ ବିପକ୍ଷରେ ଅଛନ୍ତି ଅଭିନେତ୍ରୀ ଏଲିନା । ତାଙ୍କ ବ୍ୟତୀତ ପପୁ ପମ୍ ପମ୍ ଏବଂ ଲିପ୍ସାଙ୍କ କମେଡି ଦେଖିବାକୁ ପାଇବେ ଦର୍ଶକ ।ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ କୈଳାଶ ମହାପାତ୍ର ଥିବା ବେଳେ ମ୍ୟୁଜିକ୍ ଭାର ତୁଲାଇଛନ୍ତି ବୈଦନାଥ ନାୟକ । ରଥ ଯାତ୍ରା ଅବସରରେ ଫିଲ୍ମଟି ପରଦାରେ ମୁକ୍ତିଲାଭ କରିବ ।
