ଭୁବନେଶ୍ୱର (ଏଟିଆର ବ୍ୟୁରୋ): ପ୍ରେମ ବିନା ଜୀବନ ଅଧୁରା । ସମସ୍ତେ ଜାଣିଥିବେ ଯେ ଏହି ପ୍ରେମକୁ ନେଇ ମହାଭାରତ ସୃଷ୍ଟି ହୋଇଥିଲା । ଏବେ ପୁଣି ଥରେ ଏଭଳି ଏକ ନିଆରା କାହାଣୀକୁ ନେଇ ଓଲିଉଡରେ ଏକ ଫିଲ୍ମ ଆସୁଛି ‘ପ୍ରେମ ପାଇଁ ମହାଭାରତ’ ।
ପ୍ରଦୀପ କିଶୋର ଆଚାର୍ଯ୍ୟଙ୍କ ଦ୍ୱାରା ପ୍ରଯୋଜିତ ଏହି ଫିଲ୍ମର ମୁଖ୍ୟ ଭୂମିକାରେ ଅଛନ୍ତି ସମ୍ବିତ୍ ଏବଂ ରୀୟା । ଏମାନଙ୍କ ବ୍ୟତୀତ ମିହିର ଦାସ, ବବି ମିଶ୍ର ଏବଂ ପିଂଟୁ ନନ୍ଦ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ନିରଞ୍ଜନ ବେହେରା । ଏବଂ ଏହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅଭିଜିତ ମଜୁମଦାର । ଏହାସହିତ କାହାଣୀ ଲେଖିଛନ୍ତି ଛବିତା ମାର୍ଥା ।
ଏହାପୂର୍ବରୁ ଦର୍ଶକ ସମ୍ବିତ୍ ଏବଂ ରୀୟାଙ୍କ ଯୋଡୀକୁ ଏକାଠି ପରଦାରେ ଦେଖି ସାରିଛନ୍ତି । ଏବେ ପୁଣି ଥରେ ଏହି ଯୋଡୀକୁ ଦେଖିବାକୁ ପାଇବେ ଦର୍ଶକ । ଏବଂ ଦର୍ଶକ ମଧ୍ୟ ଖୁବ୍ ଉତ୍ସାହିତ ହୋଇ ଅଛନ୍ତି ସମ୍ବିତ୍ ଏବଂ ରୀୟାଙ୍କର ଏହି ନିଆରା ପ୍ରେମ କାହାଣୀ ଦେଖିବା ପାଇଁ । ପ୍ରେମ ଓ ଭଲ ପାଇବା ମଧ୍ୟରେ ଯେଉଁ ବିବାଦ ଦେଖାଦିଏ,ତାକୁ କିଭଳି ଭାବେ ସମାଧାନ କରାଯାଇପାରିବ । ତାହାକୁ ନେଇ ପ୍ରସ୍ତୁତ ହୋଇଛି ଏକ ଫିଲ୍ମ ‘ପ୍ରେମ ପାଇଁ ମହାଭାରତ’ ।
