ଭୁବନେଶ୍ୱର (ଏଟିଆର ବ୍ୟୁରୋ) ; ପୁରୀ ଜିଲ୍ଳାର ସତ୍ୟବାଦୀର ବକୁଳ ବନଠାରେ ଓଡିଆ ବିଶ୍ୱବିଦ୍ୟାଳୟର ଭିତ୍ତିପ୍ରସ୍ତର ସ୍ଥାପନ ପରେ ମୁଖ୍ୟମନ୍ତ୍ରୀଙ୍କୁ କଡା ସମାଲୋଚନା କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । କାରଣ ଓଡିଶାରେ ୧୮ ବର୍ଷ ଧରି ଶାସନରେ ଥିବା ନବୀନ ପଟ୍ଟନାୟକ ନିଜେ ଓଡିଆରେ କହିବା ପାଇଁ ଅସମର୍ଥ । ମାତ୍ର ସେ ପୁଣି ଓଡିଆ ବିଶ୍ୱବିଦ୍ୟାଳୟର ଭିତିପ୍ରସ୍ତର କରୁଛନ୍ତି । 
ପିସିସି ସଭାପତି ସମାଲୋଚନା କରି କହିଛନ୍ତି କି ଏହି ବିଶ୍ୱବିଦ୍ୟାଳୟ ଆରମ୍ଭ ହେଲେ ଏଠାରେ ନିଜେ ମୁଖ୍ୟମନ୍ତ୍ରୀ ପାଠ ପଢ଼ନ୍ତୁ ବୋଲି କହି କଟାକ୍ଷ କରିଛନ୍ତି ପିସିସି ସଭାପତି । ଏବଂ ସେ ମଧ୍ୟ କହିଛନ୍ତି କି ମୁଖ୍ୟମନ୍ତ୍ରୀଙ୍କ ସହ ଓଡିଆ କହିପାରୁନଥିବା ସେବା ଅଧିକାରୀମାନେ ବି ସେଠାରେ ଆଡମିସନ କରିବା ଦରକାର ବୋଲି ନିରଞ୍ଜନ ମତ ରଖିଛନ୍ତି । କାରଣ ଏତେ ଦିନ ଧରି ଶାସନଭାରରେ ରହି ମଧ୍ୟ ଓଡିଆରେ ଦୁର୍ବଳ କାହିଁକି ବୋଲି କଟାକ୍ଷ କରିଛନ୍ତି ପିସିସି ସଭାପତି ।
ପିସିସି ସଭାପତିଙ୍କ ଏଭଳି କଟାକ୍ଷରେ ମତ ଦେଇଛନ୍ତି ବିଜେଡି ମୁଖପାତ୍ର ସସ୍ମିତ ପାତ୍ର । ସେ କହିଛନ୍ତି କି ଯଦି ପିସିସି ସଭାପତିଙ୍କର ଓଡିଆ ଭାଷାରେ ଏତେ ଦକ୍ଷ ଅଛି ତେବେ କଂଗ୍ରେସ ସରକାରରେ ଥିବା ସମୟରେ ନିଜେ ମନ୍ତ୍ରୀ ମଣ୍ଡଳରେ ଥିଲେ ସେତେବେଳେ ତ କାଇଁ ଓଡିଆ ବିଶ୍ୱବିଦ୍ୟାଳୟ କଥା ଚିନ୍ତାକରିନଥିଲେ । ଆଜି ଓଡିଆ ଭାଷାର ପ୍ରଚାର ପ୍ରସାର ପାଇଁ ଏତେ ବଡ ନିଷ୍ପତି କାହିଁକି ବିରୋଧ କରୁଛନ୍ତି ବୋଲି ମତ ରଖିଛନ୍ତି ବିଜେଡି ମୁଖପାତ୍ର ସସ୍ମିତ ପାତ୍ର ।
