ଭୁବନେଶ୍ୱର(ଏଟିଆର ବ୍ୟୁରୋ):ରାଜ୍ୟର କିଛି କିଛି ସ୍ଥାନରେ ଆଜି ଘନ କୁହୁଡି ଦେଖିବାକୁ ମିଳିଛି । ଅସହ୍ୟ ତାତିରୁ ମିଳିଛି ସାମାନ୍ୟ ଆଶ୍ୱସ୍ତି । ଆଜି ଭୁବନେଶ୍ୱର, ଅନୁଗୁଳ , ସମେତ ଅନ୍ୟାନ୍ୟ ସହରରେ ତାପମାତ୍ରା ସାମାନ୍ୟ ହ୍ରାସ ପାଇଛି । ରାସ୍ତାରେ ୫୦ ମିଟର ଦୂରରେ କିଛି ଦୃଶ୍ୟମାନ ହେଉନଥିବା ଫଳରେ ଗାଡିମଟର ଚଳାଚଳରେ ବାଧା ସୃଷ୍ଟି ହୋଇଛି ।
ସେହିପରି ମୟୁରଭଞ୍ଜ,ଭଦ୍ରକ,କଟକ,ଖୋର୍ଦ୍ଧା,କେନ୍ଦ୍ରାପଡା , ଜଗତସିଂହପୁର ଆଦି ଜିଲ୍ଲାରେ ଘନ କୁହୁଡି ଦେଖିବାକୁ ମିଳିଛି । ଗତକାଲି ଭୁବନେଶ୍ୱରର ତାପମାତ୍ରା ୩୭ ଡିଗ୍ରୀ ରହିଥିବା ବେଳେ ଆଜି ସମାନ ରହିବ ବୋଲି ପୁର୍ବାନୁମାନ କରିଛି ପାଣିପାଗ ବିଭାଗ । ଆଭ୍ୟନ୍ତରୀଣ ଓଡିଶାରେ ତାପମାତ୍ରା ୪୦ ଡିଗ୍ରୀ ଛୁଇଁବାର ସମ୍ଭାବନା ରହିଛି ।
