ପୁରୀ (ଏଟିଆର ବ୍ୟୁରୋ); ରଥ ପ୍ରସ୍ତୁତ । ପଥ ବି ପ୍ରସ୍ତୁତ । ତିନି ରଥରେ ବିଜେ କରି ସାରିଲେଣି ଚତୁର୍ଦ୍ଧା ମୁରତି । ସବୁ ନୀତି ଅନୁଯାୟୀ ଚାଲିଛି । ତେବେ ଲକ୍ଷ ଲକ୍ଷ ଭକ୍ତ ରଥ ଟାଣିବା ପାଇଁ ଚାହିଁ ବସିଛନ୍ତି । ମହାପ୍ରଭୁ ରଥାରୁଢ଼ ହେବା ପରଠାରୁ ରଥ ଟାଣିବା ପାଇଁ ବ୍ୟଗ୍ର ହୋଇ ପଡିଛନ୍ତି ଭକ୍ତ । ତେବେ ନୀତି ଅନୁଯାୟୀ ଗଜପତି ମହାରାଜ ଛେରା ପହଁରା କାର୍ଯ୍ୟ ସାରିବା ପରେ ରଥ ଟଣା ଆରମ୍ଭ ହେବ ।
ମହାରାଜ ପ୍ରସ୍ତୁତ ହୋଇ ଅଛନ୍ତି । ତାମଜାନ ମଧ୍ୟ ପ୍ରସ୍ତୁତ ହୋଇ ରହିଛି । ପାଲିଙ୍କିରେ ସବାର କରି ଆସିଛନ୍ତି ମହାରାଜା । ନୀତି ଅନୁସାରେ ତିନି ରଥ ବୁଲି କରିବେ ଛେରା ପହଁରା । ଏହାପରେ ରଥ ଟଣା ଆରମ୍ଭ ହେବ । ସଦ୍ୟ ସୂଚନା ଅନୁଯାୟୀ ବଡ ଦାଣ୍ଡରେ ପହଁଞ୍ଚି ଛନ୍ତି ମହାରାଜ । ଆଉ ଅଳ୍ପ ସମୟରେ ଆରମ୍ଭ ହେବ ଛେରା ପହଁରା ।
