ଗଞ୍ଜାମ (ଏଟିଆର ବ୍ୟୁରୋ ) ; ପୁଣି କଏଦୀ ମାରିଲା ଚମ୍ପଟ । ଜେଲ କର୍ମଚାରୀଙ୍କୁ ଧକ୍କା ମାରି ଖସି ପଳାଇଲା କଏଦୀ । ଏଭଳି ଅଭାବନୀୟ ଘଟଣା ଗଞ୍ଜାମ ଜିଲ୍ଲା କୋଦଳା ଜେଲ ରେ ଘଟିଛି । କୋଦଳା ଜେଲ ଗେଟରେ ଜଗିଥିବା ଜଣେ କର୍ମଚାରୀଙ୍କୁ ଆଜି ଜଣେ କଏଦୀ ଧକ୍କା ମାରି ଖସି ପଳାଇଯାଇଥିବା ଜଣାପଡିଛି । ତେବେ ଖସି ପଳାଇ ଯାଇଥିବା କଏଦୀଙ୍କ ନାମ ସନ୍ତୋଷ ବେହେରା ବୋଲି ଜଣାପଡିଛି । ଗତ ସେପ୍ଟେମ୍ବର ୧ ତାରିଖରେ ଏକ ଡକାୟତୀ ମାମଲାରେ ସନ୍ତୋଷଙ୍କ ସହ ଅନ୍ୟ ୫ ଜଣଙ୍କୁ ଗିରଫ କରିଥିଲା ପୋଲିସ । ତେବେ ସନ୍ତୋଷଙ୍କୁ କୋଦଳା ଜେଲରେ ରଖାଯାଇଥିଲା । ସେ ଆଜି ଦିନ ୧୧ ଟା ବେଳେ ଜେଲର ଗେଟରେ ଜଗିଥିବା ଜଣେ କର୍ମଚାରୀଙ୍କୁ ଧକ୍କା ମାରି ଖସି ପଳାଇଥିଲେ । ସେପଟେ ସନ୍ତୋଷଙ୍କୁ ଗିରଫ କରିବା ପାଇଁ ବିଭିନ୍ନ ଜାଗାରେ ଚଢାଉ ଜାରି ରଖିଛି ପୋଲିସ । ତେବେ ଏ ଯାଏଁ ସନ୍ତୋଷଙ୍କୁ ଧରାଯାଇନଥିବା ଜଣାପଡିଛି ।
