ମୁମ୍ବାଇ (ଏଟିଆର ବ୍ୟୁରୋ): ପୁଣି ଚର୍ଚ୍ଚାରେ ଏକ୍ସ ବିଗ୍ ବସ୍ ପ୍ରତିଯୋଗୀ ରାହୁଲ ମହାଜନ । ଅଜ୍ଞା ହଁ ସେ ଏବେ ତୃତୀୟ ବିବାହ କରିଛନ୍ତି । ଯାହାକୁ ନେଇ ଚାରିଆଡେ ଚର୍ଚ୍ଚା ଯୋର ଧରିଛି । ବର୍ଷେ ପୂର୍ବରୁ ସେ ତାଙ୍କ ଦ୍ୱିତୀୟ ପତ୍ନୀ ଡିମ୍ପି ଗାଙ୍ଗୁଲିଙ୍କୁ ଛାଡପତ୍ର ଦେବା ପରେ ଏକ ସର୍ବଗୁଣ ସମ୍ପନ୍ନା ଜୀବନସାଥୀ ଖୋଜିବାରେ ଲାଗିଥିଲେ । ଶେଷରେ କଜାକିସ୍ଥାନର ଏକ ସୁପର୍ ମଡେଲଙ୍କୁ ନିଜର ଜୀବନ ସାଥୀ ଭାବେ ଚୟନ କରିଛନ୍ତି । ଯାହାଙ୍କ ନାମ ହେଉଛି ନତାଲ୍ୟା । ରାହୁଲ ଏବଂ ନତାଲ୍ୟା ଦୁହେଁ ଗତ ନଭେମ୍ବର ୨୦ ତାରିଖରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଦୁହିଁଙ୍କ ବାହାଘରର ଫଟୋ ଏବେ ଭାଇରାଲ ହେବାରେ ଲାଗିଛି ।
ମାଲାବାର ପାହାଡ ସ୍ଥିତ ଏକ ମନ୍ଦିରରେ ଦୁହିଁଙ୍କର ବିବାହ ସମ୍ପନ୍ନ ହୋଇଛି । ଏଥିରେ କେବଳ ଦୁହିଁଙ୍କ ପରିବାର ଲୋକ ସାମିଲ ଥିଲେ । ଏହି ତୃତୀୟ ବାହାଘରକୁ ନେଇ ରାହୁଲ କହିଛନ୍ତି ଯେ, ପ୍ରଥମ ଦୁଇଟି ବାହାଘର ଖୁବ୍ ଧୁମ୍ ଧାମରେ କରିଥିଲି କିନ୍ତୁ ସଂପର୍କ ବେଶୀ ଦିନ ପର୍ଯ୍ୟନ୍ତ ରହିଲା ନାହିଁ । ସେଥିପାଇଁ ଏଥରକ ମୁଁ ଦେଖାଣିଆ କରିବାକୁ ଚାହୁଁନଥିଲି । ନତାଲ୍ୟାଙ୍କୁ ମୁଁ ଭଲ ଭାବରେ ଜାଣିଛି ।
ନତାଲ୍ୟାଙ୍କୁ ୨୫ ବର୍ଷ ହୋଇଥିବା ବେଳେ ରାହୁଲଙ୍କୁ ୪୩ ବର୍ଷ ବୟସ । ଦୁହିଁଙ୍କ ମଧ୍ୟରେ ୧୮ ବର୍ଷର ତାରତମ୍ୟ ରହିଛି । ଖବରମୁତାବକ, ରାହୁଲଙ୍କ ପ୍ରଥମ ବାହାଘର ତାଙ୍କ ପିଲାଦିନର ସାଙ୍ଗ ଶ୍ୱେତା ସିଂହଙ୍କ ସହ ହୋଇଥିଲା । କିନ୍ତୁ ଶ୍ୱେତା ରାହୁଲଙ୍କ ଉପରେ ଶାରିରୀକ ଶୋଷଣ ଅଭିଯୋଗ ଆଣିବା ପରେ ଦୁହିଁଙ୍କ ସଂପର୍କରେ ପୂର୍ଣ୍ଣଛେଦ ପଡିଥିଲା ।
