ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରସାମ୍ୟ ହରାଇ ଘାଇକୁ ଖସିଲା କାର୍ । ଏହି ଭୟାବହ ଦୁର୍ଘଟଣାରେ କାର୍ ରେ ଥିବା ପାଞ୍ଚ ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି । ଏଭଳି ଏକ ଅଭାବନୀୟ ଘଟଣା ମସୁରି ଠାରୁ ୪୦ କି.ମି ଦୂରରେ ଥିବା ନ୍ୟାନବାଗ ବିକାଶନଗରରେ ଘଟିଛି ।
ସୂଚନାଯୋଗ୍ୟ, ଆଜି ସକାଳ ପାଖାପାଖି ୭ ଟା ସମୟରେ ଟିହରୀ ଜନପଦ ର ନ୍ୟାନବାଗଠାରେ ୟୁକେ ୦୭ ଏବି ୬୪୨୯ ନମ୍ବର ବିଶିଷ୍ଟ କାର୍ ଟି ଭାରସାମ୍ୟ ହରାଇ ଘାଇକୁ ଖସିପଡିଛି । କାର୍ ରେ ୭ ଜଣ ବ୍ୟକ୍ତି ଥିଲେ । ସେମାନଙ୍କ ମଧ୍ୟରୁ ୫ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ୨ ଜଣଙ୍କ ଅବସ୍ଥା ଗୁରୁତର । ଦୁର୍ଘଟଣାର ଖବର ପାଇଁ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । କାର୍ ଟି ଡେରାଡୁନ୍ ରୁ ଲାଖାମଣ୍ଡଳ ଯାଉଥିଲା ବୋଲି କୁହାଯାଉଛି ।
