ୱାସିଂଟନ(ଏଟିଆର ବ୍ୟୁରୋ): ଦକ୍ଷିର ଡାକୋଟରୁ ଉଡାଣ ଆରମ୍ଭ କରିଥିଲା ପିସି-୧୨ । ତେବେ ଉଡାଣ ଭରିବାର କିଛି ସମୟ ପରେ ବିମାନଟି ଦୁର୍ଘଟଣା ଗ୍ରସ୍ତ ହୋଇପଡିଥିଲା । ଏହି ମର୍ମନ୍ତକ ଦୁର୍ଘଟଣାରେ ୯ଜଣ ପ୍ରାଣ ହରାଇଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି ।
ସୂଚନା ଅନୁସାରେ ଗତକାଲି ଅପରାହ୍ନ ପ୍ରାୟ ୧୨.୩୦ରେ ପିସି-୧୨ ବିମାନଟି ସିଓ ପ୍ରପାତ ଠାରୁ ପଶ୍ଚିମକୁ ୧୪୦ ମାଇଲ ଦୂର ଚେମ୍ବୁଲନ ରୁ ଉଡାଣ ଆରମ୍ଭ କରିଥିଲା । ତେବେ ବିମାନଟି ଆଇଡାହୋ ପ୍ରପାତ ଅଭିମୁଖେ ଯାଉଥିଲା । ଦୁର୍ଘଟଣାରେ ପ୍ରାଣ ହରାଇଥିବା ୯ ଜଣଙ୍କ ମଧ୍ୟରୁ ୨ ଜଣ ଶିଶୁ ଥିବା ବେଳେ ପାଇଲଟଙ୍କର ମୃତ୍ୟୁ ହୋଇଥିବାର ସୂଚନା ରହିଛି । ଆହତ ମାନଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ତେବେ କେଉଁ କାରଣରୁ ବିମାନଟି ଦୁର୍ଘଟଣା ଗ୍ରସ୍ତ ହୋଇଛି ତାହା ଜଣା ପଡି ନାହିଁ ।
