ମୁମ୍ବାଈ: ରେମୋ ଡ଼ିସୁଜାଙ୍କ ଦ୍ୱାରା ନିର୍ଦେଶିତ ଫିଲ୍ମ ରେସ-୩ ପାରାଦାରେ ରିଲିଜ୍ ହେବା ପୂର୍ବରୁ ହିଁ ୩୦୦ କୋଟିର କ୍ଲବ ହାଉସରେ ସାମିଲ ହେବାକୁ ଯାଉଛି । ଆମେ ସମସ୍ତେ ଜାଣିଛେ ଏହି ଚଳଚ୍ଚିତ୍ରରେ ପୁଣିଥରେ ଦବଙ୍ଗ ଖାନ ଏବଂ ସିଂହଳ ସୁନ୍ଦରୀ ଜ୍ୟାକଲିନଙ୍କ ଅଭିନୟ ସାରା ଦେଶରେ ଚହଳ ପାକାଇବା ପାଇଁ ଯାଉଛନ୍ତି ।
ସୂଚନା ମୁତାବକ, ଫିଲ୍ମର ର୍ନିମାତା ଏହି ଚଳଚ୍ଚିତ୍ରର ଥ୍ରୀଏଟିକାଲ ରାଇଟ୍ସ୍କୁ ୧୫୦ କୋଟି ଟଙ୍କାରେ ବିକ୍ରି କରିବା ପାଇଁ ଚାହୁଁଛନ୍ତି । ଏହାସହ ଫିଲ୍ମର ସାଟେଲାଇଟ୍ ରାଇଟ୍ସ ପାଇଁ ଏକ ଚ୍ୟାନେଲର ନିର୍ମାତା ୭୫ କୋଟି ଟଙ୍କା ଅଫର କରିଛନ୍ତି । କିନ୍ତୁ ର୍ନିମାତା ଏଥିରେ ରାଜି ନହେବା ସହ ସାଟେଲାଇଟ ରାଇଟ୍ସକୁ ୧୫୦ କୋଟି ଟଙ୍କାରେ ବିକ୍ରି କରିବେ ବୋଲି ମନସ୍ତ କରିଛନ୍ତି । ହୁଏତ ଏପର୍ଯ୍ୟନ୍ତ ଏହାର ଅଧିକ ଘୋଷଣା କରାଯାଇନାହିଁ । କିନ୍ତୁ ଯଦି ଆଗକୁ ଏଭଳି ଚାଲେ ତେବେ ଫିଲ୍ମଟି ରିଲିଜ ହେବା ପୂର୍ବରୁ ନିଶ୍ଚିତ ଭାବେ ୩୦୦ କୋଟି ଆୟ କରିବ ।
ପ୍ରତ୍ୟେକ ଫିଲ୍ମରେ ସଲମାନ ଦର୍ଶକଙ୍କୁ ତାଙ୍କ ଭିନ୍ନ ଅଭିନୟର ଭେଟି ଦେଇଥାନ୍ତି । ଏହି ଫିଲ୍ମରେ ମଧ୍ୟ ସଲମାନଙ୍କୁ ଏକ ଖଳନାୟକ ଭୂମିକାରେ ଦେଖିବାକୁ ମିଳିବ। ସଲମାନଙ୍କ ବ୍ୟତୀତ ଏହି ଫିଲ୍ମରେ ମୁଖ୍ୟ ଚରିତ୍ରରେ ଅନିଲ କପୁର, ବବି ଦେଓ୍ଵଲ, ଜ୍ୟାକଲିନ ଏବଂ ଡ଼େଜୀ ସାହା ଆଦି ନଜର ଆସିବେ । ଫିଲ୍ମଟି ଇଦ୍ ଅବସରରେ ରିଲିଜ ହେବାର ସୂଚନା ମିଳିଛି ।
