ନୂଆଦିଲ୍ଲୀ(ଏଟିଆର ବ୍ୟୁରୋ): ରେକର୍ଡ ଭାଙ୍ଗିଲା ସୁନା ଦର । ଗତ ୭ ବର୍ଷ ମଧ୍ୟରେ ସବୁଠାରୁ ଉଚ୍ଚରେ ପହଞ୍ଚିଛି ସୁନା ଦର । ଭାରତରେ ସୁନା ଦର ୧୦ ଗ୍ରାମକୁ ୪୪ ହଜାର ଟଙ୍କା ଟପିଛି । ଅନ୍ତର୍ଜାତୀୟ ମାର୍କେଟରେ ସୁନା ମୂଲ୍ୟ ୨.୫ ପ୍ରତିଶତ ବୃଦ୍ଧି ପାଇଛି । ଆଜି ଦିଲ୍ଲୀରେ ୨୪ କ୍ୟାରେଟ ସୁନା ୧୦ଗ୍ରାମ ପ୍ରତି ୪୪ ହଜାର ୧୫୦ ଟଙ୍କା ରହିଛି ।
ସେହିପରି ରୁପା ଦର କିଲୋ ପିଛି ୪୮ ହଜାର ଟଙ୍କା ପାର ହୋଇଛି । ରୂପା ଦର ୦.୫୮ ପ୍ରତିଶତ ବଢିଛି । ଚୀନରେ ହୋଇଥିବା କରୋନା ଭାଇରସ ପାଇଁ ସୁନା ଦର ଏଭଳି ବୃଦ୍ଧି ପାଇଛି ବୋଲି କୁହାଯାଉଛି । ଆଗକୁ ସୁନା ଓ ରୂପା ଦର ଆହୁରି ବଢିବ ବୋଲି ଅନୁମାନ କରାଯାଉଛି ।
