ମୁମ୍ବାଇ(ଏଟିଆର ବ୍ୟୁରୋ):ଡ୍ରଗ୍ସ ମାମଲାରେ ଏନସିବି ଆଗରେ ରିୟା ନେଇଥିଲେ ପ୍ରଥମେ ସାରା ଅଲି ଖାନ ଓ ରାକୁଲ ପ୍ରୀତଙ୍କ ନାମ , ପରେ ସେ ଶ୍ରଦ୍ଧା କପୁରଙ୍କ ନାମ ମଧ୍ୟ ନେଇଛନ୍ତି । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଅଭିନେତା ସୁଶାନ୍ତ ସିଂ ରାଜପୁତ ମାମଲାର ଏହି ସପ୍ତାହରେ ସାରା ଅଲି ଖାନ, ଶ୍ରଦ୍ଧା କପୁର, ସାଇମୋନ ଖମ୍ବଟା ଏବଂ ରାକୁଲ ପ୍ରୀତଙ୍କୁ ନୋଟିସ ପଠାଇବାକୁ ଯାଉଛନ୍ତି। ଡ୍ରଗ୍ସ ଲିଙ୍କ ବାବଦରେ ପ୍ରସ୍ନ ପଚାରିବା ପାଇଁ ଏହି ଚାରିଜଣ ଅଭିନେତ୍ରୀଙ୍କ ନିକଟକୁ ନୋଟିସ୍ ପଠାଯିବ ଜ୍ଝ ଏନସିବି ଦାବି କରିଛି ଯେ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ଏହି ଚାରିଜଣ ଅଭିନେତ୍ରୀଙ୍କ ନାମ ନେଇଥିଲେ। ସୂଚନାନୁସାରେ, ରିୟା ଚକ୍ରବର୍ତ୍ତୀ, ସିମୋନ ଖମ୍ବଟା, ରାକୁଲ ପ୍ରୀତ ସିଂ ଏବଂ ସାରା ଅଲି ଖାନ ମୁମ୍ବାଇର ଏକ ଜିମରେକୁ ଏକା ସାଙ୍ଗରେ ଯାଉଥିଲେ ଏବଂ ସେଠାରେ ସେମାନଙ୍କର ବନ୍ଧୁତା ଥିଲା। ଏହି କାରଣରୁ ଏନସିବି ଜାଞ୍ଚ କରି ଥିବାରୁ ରିୟା ନେଇଥିବା ଏହି ଅବିନେତ୍ରୀଙ୍କୁ ଏନସିବି ସମନ ଜାରି କରିବ । ଏଥିସହ ରିୟା ,ଶ୍ରଦ୍ଧା କପୁରଙ୍କ ନାମ ମଧ୍ୟ ନେଇଛନ୍ତି। ଏଭଳି ପରିସ୍ଥିତିରେ ଶ୍ରଦ୍ଧାଙ୍କୁ ଡକାଯାଇପାରିବ ବୋଲି ଜଣା ପଡିଛି ।
ନିକଟରେ ରାହୁଲ ବିଶ୍ରାମ ନାମକ ମୁମ୍ବାଇର ଜଣେ ଡ୍ରଗ୍ସ ବ୍ୟବସାୟୀ ଧରାପଡିଥିଲେ ଏବଂ ବର୍ତ୍ତମାନ ତାଙ୍କ ଗ୍ୟାଙ୍ଗରେ ଖୋଜା ଚାଲିଛି। ଏହା ସହିତ ରିୟା କହିଛନ୍ତି ସୁଶାନ୍ତଙ୍କୁ ଦେଖା କରିବା ପୂର୍ବରୁ ସୁଶାନ୍ତ ଗଞେଇ ସେବନ କରୁଥିଲେ । ସେ କହିଥିଲେ ଯେ କେଦାରନାଥ ଫିଲ୍ମର ସୁଟିଂରେ ସେ ଅଧିକ ଡ୍ରଗ୍ସ ନେବା ଆରମ୍ଭ କରିଥିଲେ।
ବର୍ତ୍ତମାନ ଏନସିବି ରିୟା ନେଇଥିବା କଳାକାରଙ୍କୁ ଡକାଇ ସେମାନଙ୍କୁ ପଚରାଉଚରା କରିବ ଏବଂ ବଲିଉଡରେ ଚାଲିଥିବା ଡ୍ରଗ୍ସ ସଂଯୋଗର ଖୋଳତାଡ ମଧ୍ୟ କରିବ । ଡ୍ରଗ୍ସ ମାମଲା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ପରେ ସାମ୍ନାକୁ ଆସିଥିଲା । ଏନସିବି ଏହି ଘଟଣାର ଶୀଘ୍ର ଅନୁସନ୍ଧାନ କରୁଛି। ତେବେ ଆଗକୁ ଆହୁରି ବଡ ବଡ କଳାକାରଙ୍କୁ ମଧ୍ୟ ଏନସିବି କରିପାରେ ଜେରା ।
