ମୁମ୍ବାଇ (ଏଟିଆର ବ୍ୟୁରୋ):ଗତ ରବିବାର ଦିନ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ଇଫତାର ପାର୍ଟିରେ ସାମିଲ ହୋଇଥିଲେ । ପାର୍ଟିରେ ଏକ ମିଠା ଡିଶ୍ ଅଫଲାତୁନ ଖାଉଥିବା ବେଳେ ଶିଳ୍ପା ଏବଂ ତାଙ୍କ ବନ୍ଧୁମାନେ ଖୁବ୍ ଉତ୍ତେଜିତ ହୋଇପଡିଥିଲେ । ସେହି ସମୟରେ ଅକ୍ଷୟ କୁମାରଙ୍କ ଫିଲ୍ମ ‘ଅଫଲାତୁନ’ର ଗୀତ ବାଜିଥିଲା ଏବଂ ସମସ୍ତେ ମିଶି ଡ୍ୟାନ୍ସ କରିଥିଲେ । ଏହି ଭିଡିଓକୁ ଶିଳ୍ପା ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଥିଲେ । ଯାହାକୁ ନେଇ ଏବେ ସୋସିଆଲ ମିଡିଆରେ ହଙ୍ଗାମା ହୋଇଛି ।
ଇଫତାର ପାର୍ଟିରେ ଗୀତ ବାଜିବାକୁ ନେଇ କିଛି ଲୋକ ରାଗି ଯାଇଥିଲେ । ଆଲୋଚକଙ୍କ କହିବାନୁଯାୟୀ, ଶିଳ୍ପାଙ୍କୁ ଇଫତାର ପାର୍ଟରେ ସମ୍ମାନର ସହିତ କାମ କରିବାର ଥିଲା ।
ଜଣେ ୟୁଜର ଲେଖଥିଲେ ଯେ -ଏହା ଇଫତାର ପାର୍ଟି ନା କିଟି ପାର୍ଟି? ଏମାନେ କ’ଣ ପାଇଁ ଇଫତାର ଟେବୁଲ ଉପରେ ଡ୍ୟାନ୍ସ କରୁଛନ୍ତି? ଦୟାକରି ଟିକେ ସମ୍ମାନ ଦିଅନ୍ତୁ । ଅନ୍ୟ ଜଣେ ୟୁଜର ଲେଖିଛନ୍ତି –ଏହି ଭିଡିଓ ମୁସଲମାନ ମାନଙ୍କ ଭାବନାକୁ କ୍ଷତ ପହଞ୍ଚାଇଛି । ଇଫତାର ପାର୍ଟରେ ମହିଳାମାନଙ୍କ ମୁଣ୍ଡରେ ଓଢଣା ରହିବା ଉଚିତ୍ । ଏବଂ ଏହି ପାର୍ଟିରେ କୌଣସି ନାଚ, ଗୀତ ହୁଏ ନାହିଁ ।
