ଭୁବନେଶ୍ୱର,(ଏଟିଆର ବ୍ୟୁରୋ): ଖୋର୍ଦ୍ଧା ଜିଲା ବଙ୍ଗିଦା ପଞ୍ଚାୟତ କଙ୍କଣହାର ଗାଁରେ ଘଟିଛି ଏକ ଅଭାବନୀୟ ଘଟଣା । ୫୦ଟି ଗୋରୁଙ୍କ ମୃତ୍ୟୁ ହେବା ସହ ଘଟଣାରେ ୨ଜଣ ଗୁରୁତର ଭାବେ ଆହତ ହୋଇଛନ୍ତି ।
ଆହତଙ୍କୁ ଉଦ୍ଧାର କରାଯାଇ ଚିକିତ୍ସା ଲାଗି ହସପିଟାଲରେ ଭର୍ତ୍ତି କରାଯାଇଛି । ବଜ୍ରାଘାତ ଯୋଗୁ ଏହି ଅଘଟଣ ଘଟିଥିବା ଜଣାପଡିଛି । ସନ୍ଧ୍ୟାରେ ଆକାଶରେ ଘୋଟି ଆସିଥିଲା କଳାହାଣ୍ଡିଆ ମେଘ । ବର୍ଷିଥିଲା ବିଜୁଳି । ଏହି ବଜ୍ରାଘାତରେ ୫୦ଟି ଗୋରୁଙ୍କ ମୃତ୍ୟୁ ହେବା ସହ ୨ଜଣ ଆହତ ହୋଇଥିବା ସୂଚନା ମିଳିଛି ।
