ଭୁବନେଶ୍ୱର (ଏଟିଆର ବ୍ୟୁରୋ):ଆଜି ହେଉଛି ଜ୍ୟେଷ୍ଠ ମାସର ତୃତୀୟ ମଙ୍ଗଳବାର । ଏହିଦିନ ଭଗବାନ ହନୁମାନଙ୍କୁ ବିଧି ବିଧାନ ସହ ପୂଜାର୍ଚ୍ଚନା କରାଯାଏ । ତାଙ୍କ ପୂଜାରେ ସମସ୍ତ ସଙ୍କଟ ଦୂର ହୋଇଥାଏ । ହନୁମାନଙ୍କ ପ୍ରସନ୍ନ କରିବା ପାଇଁ ଅନେକ ଉପାୟ ମଧ୍ୟ କରାଯାଏ । ସେଥିମଧ୍ୟରୁ ସୁନ୍ଦରକାଣ୍ଡର ଖୁବ ମହତ୍ୱପୂର୍ଣ୍ଣ ଅଛି । ସୁନ୍ଦରକାଣ୍ଡ ପାଠ କରିବା ଦ୍ୱାରା ଖୁବ୍ ଶୀଘ୍ର ହନୁମାନଙ୍କ କୃପା ଲାଭ ହୋଇଥାଏ । ତେବେ ସୁନ୍ଦରକାଣ୍ଡ କରିବା ପୂର୍ବରୁ ଜାଣନ୍ତୁ କଣ ରହିଛି ନିୟମ ଏବଂ ଲାଭ ।
ନିୟମ:
ମଙ୍ଗଳବାର ବା ଶନିବାର ହନୁମାନଙ୍କୁ ବିଧିବିଧାସ ସହ ପୂଜା କରିବା ପରେ ସୁନ୍ଦରକାଣ୍ଡ ପାଠ କରିବା ଉଚିତ୍ । ସୁଦ୍ଧ ଭାବେ ସୁନ୍ଦରକାଣ୍ଡ ଉଚ୍ଚାରଣ କରିବା ଉଚିତ । ପାଠ କରିବା ପୂର୍ବୁ ପ୍ରଥମେ ଗଣେଶ ଏବଂ ପ୍ରଭୁ ରାମଙ୍କୁ ସ୍ମରଣ କରିବା ଉଚିତ୍ । ସୁନ୍ଦରକାଣ୍ଡ ପାଠ କରିବା ପରେ ଶୁଦ୍ଧ ଘିଅରେ ଦୀପ ଜାଳି ଆଳତୀ କରିବା ଉଚିତ୍ । ଏହାପରେ ଭଗବାନଙ୍କୁ ଭୋଗ ଲଗାଇବା ପରେ ନିଜେ ପ୍ରସାଦ ଗ୍ରହଣ କରନ୍ତୁ ।
ଲାଭ:
– ଧାର୍ମିକ ମାନ୍ୟତା ଅନୁସାରେ ମଙ୍ଗଳବାର ଓ ଶନିବାର ବିଶେଷ ରୂପେ ସୁନ୍ଦରକାଣ୍ଡ ପାଠ କରିବା ଦ୍ୱାରା ଖୁବ୍ ଶୀଘ୍ର ହନୁମାନଙ୍କ କୃପା ପ୍ରାପ୍ତି ହୋଇଥାଏ । ଏହାସହିତ ଜୀବନରେ ଆସିଥିବା ସମସ୍ତ ସମସ୍ୟା ଶୀଘ୍ର ଦୂର ହୋଇଥାଏ । ବିଦ୍ୟା, ବଳ, ବୁଦ୍ଧି ଓ ସମସ୍ତ ସମ୍ପତିର ଆର୍ଶିବାଦ ପ୍ରାପ୍ତି ହୋଇଥାଏ ।
– ଶ୍ରଦ୍ଧା ଓ ଭକ୍ତି ମନରେ ସୁନ୍ଦରକାରଣ୍ଡ ପାଠ କରିବା ଦ୍ୱାରା ବ୍ୟକ୍ତିଙ୍କ ଜୀବନରେ ଭୂତ, ପିଶାଚ, ଶତୃ ବାଧା, ଶନି-କେତୁ ଆଦିର ଭୟ ରହିବ ନାହିଁ । ସମସ୍ତ କ୍ଷେତ୍ରରେ ସଫଳତା ମିଳିବ ।
