ମୁମ୍ବାଇ(ଏଟିଆର ବ୍ୟୁରୋ):ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ପଦାକୁ ଆସିଥିଲା ୨୫ ବଲିଉଡ କଳାକାରଙ୍କ ଡ୍ରଗ୍ସ ମାମଲା । ଏହା ଆସିବା ପରେ ପ୍ରାୟ ବଲିଉଡର ପ୍ରଶଂସକ ଓ ବଲିଉଡ କଳାକାରଙ୍କର ନିଦ ଉଡି ଯାଇଛି । ବଲିଉଡରେ ଏବେ ଲାଗିଛି ଡ୍ରଗ୍ସ ନେବାର ଧାବା । ବଲିଉଡ ପାର୍ଟୀରେ ଡ୍ରଗ୍ସ ବ୍ୟବହାର ହେବା କଥା ସାମ୍ନାକୁ ଆସିଛି । ତେବେ ପୂର୍ବରୁ ରିୟା ୨୫ ଜଣଙ୍କ ନାମ ଏନସିବି ଆଗରେ କହିଥିବା ବେଳେ । ରିୟା ଚକ୍ରବର୍ତ୍ତୀ, ଡ୍ରଗ୍ ବେପାରୀ ଇତ୍ୟାଦି ସହ ଜଡିତ ଲୋକମାନେ ବଲିଉଡର ଅନେକ ବଡ ନାମ ପ୍ରକାଶ କରିଛନ୍ତି। ଏନସିବି ଦୁଇଟି ଏଫ୍ଆଇଆର୍ ପଞ୍ଜୀକୃତ କରିଥିଲା, ଯାହା ଉପରେ କାର୍ୟ୍ୟ ଦ୍ରୁତ ଗତିରେ କରାଯାଉଛି । ଏନସିବି ରାଡାରରେ ବର୍ତ୍ତମାନ ୫୦ ଟି ବଲିଉଡ ସେଲିବ୍ରେଟ୍ ଅଛନ୍ତି । ଅନେକ କଳାକାରଙ୍କୁ ଏନସିବି ସମନ ଜାରି କରିଥିବା ବେଳେ ଆଉ କିଛି ଅଭିନେତା ଓ ଅଭିନେତାଙ୍କୁ ଆଗକୁ ସମନ ଜାରି କରିବ ବୋଲି ନିଷ୍ପତି ନେଇଛି । ତେବେ ଏହି ଡ୍ରଗ୍ସ ମାମଲାରେ ଆସନ୍ତା କାଲି ଏନସିବି ଦିପିକା ପାଦୁକୋନଙ୍କୁ ଜେରା କରିବ ବୋଲି ସୂଚନା ମିଳିଛି ।
