ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଷ୍ଟାର ସଲମାନ୍ ଖାନ୍ ଙ୍କ ଫିଲ୍ମ ‘ଦବଙ୍ଗ ୩’ ର ସୁଟିଂ ଅପ୍ରିଲ ୧ ରେ ଆରମ୍ଭ ହୋଇଥିଲା ଏବଂ ଏବେ ଏହାର ରିଲିଜ୍ ତାରିଖ ସାମ୍ନାକୁ ଆସିଛି । ଫିଲ୍ମଟିକୁ ଡିସେମ୍ବର ୨୦ ରେ ପରଦାରେ ମୁକ୍ତିଲାଭ କରାଯିବ । ଡିସେମ୍ବର ମାସରେ ଆଉ ଏକ ବଡ ଫିଲ୍ମ ‘ପାନିପତ’ମଧ୍ୟ ରିଲିଜ୍ ହେବାକୁ ଯାଉଛି । ଫିଲ୍ମ ରିଲିଜ୍ କୁ ନେଇ ସଲମାନ୍ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଘୋଷଣା କରିଛନ୍ତି ।
ନିକଟରେ ଶୁଣିବାକୁ ମିଳୁଥିଲା କି ଶାହରୁଖ୍ ଖାନ୍ ବି ଏହି ଫିଲ୍ମରେ ନଜର ଆସିବେ । ଗତ ଥର ଶାହରୁଖ୍ ଙ୍କ ଫିଲ୍ମରେ ସଲମାନ୍ ଖାନ୍ କ୍ୟାମିଓ କରିଥିବାର ନଜର ଆସିଥିଲେ ଏବେ ଶାହାରୁଖ୍ ଙ୍କ ପାଳି । ପ୍ରାୟତଃ ଅନେକ ସମୟରେ ସଲମାନ୍ ଏବଂ ଶାହରୁଖ୍ ଦୁହେଁ କ୍ୟାମିଓ କରିଥାନ୍ତି । କୁହାଯାଉଛି କି ସଲମାନ୍ ଙ୍କ ଫିଲ୍ମରେ ଶାହରୁଖ୍ ଙ୍କ ଏଣ୍ଟ୍ରି ପାଇଁ ସ୍ୱତନ୍ତ୍ର ପ୍ରସ୍ତୁତି କରାଯାଉଛି ।
ଏହି ଫିଲ୍ମରେ କେବଳ ଗୋଟେ ନୁହେଁ ଅନେକ ଫ୍ଲାସବ୍ୟାକ୍ ସିକ୍ୱେନ୍ସ ରହିଛି । ଏହାଦ୍ୱାରା ହିଁ ସଲମାନ୍ ଙ୍କ ରବିନହୁଡ କାହାଣୀ ପ୍ରଦର୍ଶନ କରାଯିବ । ଫିଲ୍ମର ପ୍ରଥମ ସୁଟ୍ ର ସିଡ୍ୟୁଲ ପୂରା ହୋଇ ସାରିଛି । ଏବେ ଏହାର ମୁମ୍ବାଇ ସିଡ୍ୟୁଲ ଜାରି ରହିଛି । ମୁମ୍ବାଇରେ ପୂରା ଦୁଇ ମାସ ଯାଏଁ ରହି ସୁଟ୍ ଶେଷ କରିବେ ସଲମାନ୍ ଏବଂ ସୋନାକ୍ଷୀ । ଏଥରକ ଏଥିରେ ଖଳନାୟକ ଭୂମିକାରେ ସାଉଥ୍ ସୁପରଷ୍ଟାର ସୁଦୀପ ନଜର ଆସିବେ ।
