ମୁମ୍ବାଇ (ଏଟିଆର ବ୍ୟୁରୋ): ଯେବେଠାରୁ ଫିଲ୍ମ ଇଣ୍ଡଷ୍ଟ୍ରିକୁ ଦିଶା ଏଣ୍ଟ୍ରି କରିଛନ୍ତି ସେବେଠୁ ତାଙ୍କ ନାଁ ଟାଇଗର ଶ୍ରଫ୍ ଙ୍କ ସହ ଯୋଡା ଯାଇଛି । କେବଳ ଯୋଡା ତ ଯାଇନି ଦୁହେଁ ଅନେକ ସମୟରେ ଏକାଠି ସ୍ପଟ୍ ମଧ୍ୟ ହୋଇଛନ୍ତି । ଦୁହିଁଙ୍କ ଯୋଡୀକୁ ଦର୍ଶକ ଖୁବ୍ ପସନ୍ଦ ମଧ୍ୟ କରିଛନ୍ତି । ଯଦି ଦିଶା ଅନ୍ୟ କାହାରି ସହିତ ନଜର ଆସନ୍ତି ତେବେ ଏହା ତାଙ୍କ ଫ୍ୟାନ୍ସମାନଙ୍କୁ ପସନ୍ଦ ଆସି ନଥାଏ । କିନ୍ତୁ ଏବେ ଯୁବା ନେତା ଆଦିତ୍ୟ ଠାକରେଙ୍କ ସହିତ ବୁଲୁଥିବାର ନଜର ଆସିଥାନ୍ତି । ପ୍ରଥମ ଥର ପାଇଁ ଦିଶା କୌଣସି ନେତାଙ୍କ ସହିତ ବୁଲୁଛନ୍ତି । ଏବେ ତାଙ୍କର ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ସୋସିଆଲ ମିଡିଆ ୟୁଜର୍ସ ପସନ୍ଦ କରୁ ନାହାଁନ୍ତି । ଖାସ୍ କରି ଟାଇଗର ଶ୍ରଫ୍ ଙ୍କ ଫ୍ୟାନ୍ସମାନେ ଖୁସି ନାହାଁନ୍ତି ।
ସେପଟେ ଟାଇଗର ଶ୍ରଫ୍ ଙ୍କ ଫ୍ୟାନ୍ସମାନେ ଏହି ଫଟୋକୁ ଦେଖି ଏକ ଥା ଟାଇଗର, ଟାଇଗର ଜିନ୍ଦା ହୈ ଏବଂ ଟାଇଗର କାଁହା ହୈ ଭଳି କଂମେଟ କରି ତାଙ୍କୁ ଟ୍ରୋଲ କରିଛନ୍ତି । ଇତି ମଧ୍ୟରେ ଆଦିତ୍ୟ ଠାକରେଙ୍କ ଫ୍ୟାନ୍ସମାନେ ମଧ୍ୟ ସାମ୍ନାକୁ ଆସି ଯାଇଛନ୍ତି । ଏନେଇ ଜଣେ ୟୁଜର୍ସ ଲେଖିଛନ୍ତି କି , ‘ଟାଇଗର ଅସଲ ଟାଇଗର ନୁହଁନ୍ତି ଅସଲ ଟାଇଗର ହେଉଛନ୍ତି ଠାକରେ । ସେହିପରି ଅନ୍ୟ ଜଣେ ୟୁଜର୍ସ ଦିଶାଙ୍କ ରିଲେସନସିପ୍ କୁ ନେଇ ଉପଦେଶ ଦେଇଛନ୍ତି । ସେ କହିଛନ୍ତି କି , ଟାଇଗର କେଉଁଠି? ମୁଁ ଆଶ୍ଚର୍ଯ୍ୟ । ଏଭଳି ଭାବେ ଦିଶା ଟାଇଗରକୁ ଛାଡି ଅନ୍ୟ ସହିତ ହ୍ୟାଙ୍ଗ କରିବେ ଯଦି ତାଙ୍କର ଟାଇଗରଙ୍କ ସହିତ ରିଲେସନସିପ୍ ରେ ପ୍ରଭାବ ପଡିବ । ମ୍ୟାଡମ ଆପଣ ଏତେ ସାରା ପୁରୁଷ ବନ୍ଧୁ କାହିଁକି କରୁଛନ୍ତି । ଏହା ଭୁଲ ଅଟେ । ହୁଏତ ସେଥିପାଇଁ ଟାଇଗର ଆପଣଙ୍କ ସହିତ ରିଲେସନସିପ୍ ରେ ରହିବାକୁ ଚାହୁଁ ନାହାଁନ୍ତି ।’
