ମୁମ୍ବାଇ(ଏଟିଆର ବ୍ୟୁରୋ): ମୁଁ ଜଣେ ଆକ୍ସନ ହିରୋ ଭାବେ ପରିଚୟ ପାଇଛି , ସେଥିପାଇଁ ମୁଁ ବହୁତ ଖୁସି, ଏଭଳି ମତ ରଖିଛନ୍ତି ବଲିଉଡର ଆକ୍ସନ ହିରୋ ଟାଇଗର ଶ୍ରଫ୍ । ଫିଲ୍ମ ୱାର୍ ର ସଫଳତା ହାସଲ କରିବା ପରେ ଟାଇଗର ଏକ ସାମ୍ବାଦିକ ସମ୍ମିଳନୀ ଜରିଆରେ ନିଜ ମନର କଥା ବଖାଣିଛନ୍ତି ।
ତାଙ୍କ କହିବାନୁଯାୟୀ ଆଜି ପର୍ଯ୍ୟନ୍ତ ସେ ଯାହା ବି ପାଇଛନ୍ତି ତାର ଶ୍ରେୟ ବର୍ତ୍ତମାନ ପର୍ଯ୍ୟନ୍ତ ସେ କରିଥିବା ସମସ୍ତ ଫିଲ୍ମ ଓ ମୁଖ୍ୟତଃ ଆକ୍ସନ ଫିଲ୍ମକୁ ଯାଉଛି । ଏହାସହିତ ବଲିଉଡ ସୁପରଷ୍ଟାର ହ୍ରିତିକଙ୍କ ଠାରୁ ସମସ୍ତ ପ୍ରେରଣା ପାଇବା ସହ ତାଙ୍କଭଳି ଅଭିନେତା ହେବାକୁ ଇଚ୍ଛା ରଖିଛନ୍ତି । ଏହି ସାମ୍ବାଦିକ ସମ୍ମିଳ ନୀରେ ୱାର ଫିଲ୍ମର ନିର୍ଦ୍ଧେଶକ ସିଦ୍ଧାର୍ଥ ଆନନ୍ଦ, ସହ- କଳାକାର ହ୍ରିତିକ ରୋଶନ, ବାନୀ କପୁର ଉପସ୍ଥିତ ଥିଲେ ।
ୱାର ଫିଲ୍ମଟି ରିଲିଜ ହେବାର ୪ଦିନ ମଧ୍ୟରେ ଏପର୍ଯ୍ୟନ୍ତ୧୨୮କୋଟିର ବ୍ୟବସାୟ କରିସାରିଲାଣି । ଆଶା କରାଯାଉଛି ଏହି ଫିଲ୍ମଟି ବକ୍ସଅଫିସରେ ଆହୁରି ଧମାଲ କରିବ । ୱାର ଫିଲ୍ମରେ ହ୍ରିତିକ ଓ ଟାଇଗରଙ୍କ ମଧ୍ୟରେ ହୋଇଥିବା ଆକ୍ସନ ଦେଖିବାକୁ ମିଳୁଛି ଯାହା ଦର୍ଶକଙ୍କୁ ନିଜ ଆଡକୁ ଆକର୍ଷତ କରୁଛି ।
