ନୂଆଦିଲ୍ଲୀ (ଏଟିଆର ବ୍ୟୁରୋ): ରେକର୍ଡ ବ୍ରେକ କରିବ ବଲିଉଡ ସୁପରଷ୍ଟାର ଶାହରୁଖ ଖାଁଙ୍କ ଆକ୍ସନ ଥ୍ରିଲର ଫିଲ୍ମ ‘ଜୱାନ’ । ଏଟଲୀ କୁମାରଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ଜୱାନର ଆଡଭାନ୍ସ ବୁକିଂ ର ପ୍ରଥମ ଦିନର କଲେକ୍ସନରୁ ସ୍ପଷ୍ଟ ହେଉଛି କି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ କେତେ କ୍ରେଜ୍ ରହିଛି ।
ଋିପୋର୍ଟ ମୁତାବକ, ଫିଲ୍ମର ଆଡଭାନ୍ସ ବୁକିଂ ଓପନିଙ୍ଗ ଡେ ର ପ୍ରଥମ ୨୪ ଘଣ୍ଟାରେ ପାଖାପାଖି ୩୦୫ ହଜାର ଟିକେଟ ବ୍ରିକି ସାଙ୍ଗକୁ ୧୦ କୋଟିର ଗ୍ରସ କଲେକ୍ସନ କରିଛି । ପିଭିଆର, ଆଇନକ୍ସ ଏବଂ ସିନେପଲିସିରେ ପାଖାପାଖି ୧୬୫ ହଜାର ଟିକେଟ ବିକ୍ରି ହୋଇଛି । ଯାହା ୨୪ ଘଣ୍ଟାରେ ଏକ ଅଲଟାଇମ ରେକର୍ଡ ।
ସୂଚନାଯୋଗ୍ୟ, ରେଡ୍ ଚିଲିଜ୍ ଏଣ୍ଟରଟେଣ୍ଟମେଣ୍ଟ ଦ୍ୱାରା ପ୍ରସ୍ତୁତି ଜୱାନରେ ଶାହରୁଖ ଖାଁ ଡବଲ ରୋଲରେ ନଜର ଆସିବେ । ତାଙ୍କ ବ୍ୟତିତ ନୟନତାରା, ବିଜୟ ସେତୁପତି, ପ୍ରିୟାମଣି ଏବଂ ସାନ୍ୟା ମଲୋହୋତ୍ରାଙ୍କ ମଧ୍ୟ ଏଥିରେ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ସେହିପରି ଏଥିରେ ଦୀପିକା ପାଦୁକୋନ ଏବଂ ସଞ୍ଜୟ ଦତ୍ତ ସ୍ପେଶାଲ କ୍ୟାମିଓ ରେ ନଜର ଆସିବେ । ଫିଲ୍ମଟି ସେପ୍ଟମ୍ବର ୭ରେ ହିନ୍ଦୀ, ତେଲୁଗୁ, ତାମିଲ ଭାଷାରେ ରିଲିଜ୍ ହେବ ।
