ମୁମ୍ବାଇ (ଏଟିଆର ବ୍ୟୁରୋ): ଅଭିନେତା ଶାହିଦ କପୁର ଆଜିକାଲି ଫିଲ୍ମ ‘କବୀର ସିଂହ’ର ସୁଟିଂ ରେ ଖୁବ୍ ବ୍ୟସ୍ତ ଅଛନ୍ତି । ତାଙ୍କର ଏହି ଫିଲ୍ମ ସାଉଥ୍ ର ସୁପରହିଟ୍ ଫିଲ୍ମ ‘ଅର୍ଜୁନ ରେଡୀ’ର ହିନ୍ଦୀ ରିମେକ୍ । ଏହି ଫିଲ୍ମରେ ଶାହିଦଙ୍କ ସହିତ ଅଭିନେତ୍ରୀ କିୟାରା ଆଡଭାନୀ ନଜର ଆସିବେ । ଏହି ଫିଲ୍ମ ସୁଟିଂ ବେଳର ଏକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏଥିରେ ଶାହିଦ ବିନା ସାର୍ଟରେ ଚପଲ ପିନ୍ଧି ରଫ ଲୁକ୍ ରେ ନଜର ଆସୁଛନ୍ତି ।
ଖବରମୁତାବକ, ତେଲୁଗୁର ସୁପରହିଟ୍ ଫିଲ୍ମ ହେଉଛି ଅର୍ଜୁନ ରେଡୀ । ଏଥିରେ ବିଜୟ ଦେବରକୋଣ୍ଡା ଏବଂ ସାଲିନି ପାଣ୍ଡେ ମୁଖ୍ୟ ଭୂମିକାରେ ନଜର ଆସିଥିଲେ । କିନ୍ତୁ ଏବେ ଏହାର ହିନ୍ଦୀ ରିମେକରେ ଶାହିଦ କପୁର ଏବଂ କିୟାରାଙ୍କୁ ଦେଖିବାକୁ ମିଳିବ । ପୂର୍ବରୁ ଏହି ଫିଲ୍ମରେ ଶାହିଦଙ୍କ ସହ ତାରା ସୁତରିଆ ଅଭିନୟ କରିବେ ବୋଲି ଶୁଣିବାକୁ ମିଳୁଥିଲା । କିନ୍ତୁ ତାରା ଏହି ଫିଲ୍ମଠାରୁ ନିଜକୁ ଦୂରେଇ ରଖିବାରୁ ଏବେ କିୟାରା ଅଭିନୟ କରିବେ ବୋଲି ଜାଣିବାକୁ ମିଳିଛି ।
