ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ମାଧୁରୀ ଦିକ୍ଷୀତ ମଧ୍ୟ ଡିଜିଟାଲ ଡେବ୍ୟୁ କରିବାକୁ ଯାଉଛନ୍ତି । ଆଜ୍ଞା ହଁ ୱେବ ସିରିଜ୍ ‘ଦି ଫେମ ଗେମ’ ରେ ନଜର ଆସିବେ ମାଧୁରୀ । ନେଟଫ୍ଲିକ୍ସର ଏହି ୱେବ୍ ସିରିଜ୍ ର ଟ୍ରେଲର ରିଲିଜ୍ ହୋଇଯାଇଛି ।
ବେଜୟ ନାଂବିୟାର ଏବଂ କରିସ୍ମା କୋହଲିଙ୍କ ଦ୍ୱାରା ନିର୍ଦ୍ଦେଶିତ ଏହି ସିରିଜ୍ ଟି ଫେବୃଆରୀ ୨୫ରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ୍ ହେବ । ଏଥିରେ ସଞ୍ଜୟ କପୁର, ମାନବ କୌଲ, ଲକ୍ଷ୍ମୀ ସରନ, ସୁହାସିନୀ ମୁଲେ ଏବଂ ମୁସ୍କାନ ଜାଫ୍ରି ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
ଟ୍ରେଲର ଆରମ୍ଭରୁ ଅନାମିକା ଆନନ୍ଦ ରୂପେ ନଜରକୁ ଆସୁଛନ୍ତି ମାଧୁରୀ । ଯିଏ ଅଚାନକ ଗାଏବ ହୋଇ ଯାଉଛନ୍ତି ଏବଂ ତାଙ୍କ ଗାଏବ ହେବା ଏକ ତଦନ୍ତ ବିଷୟ ପାଲଟି ଯାଉଛି ।
ସିରିଜ୍ ର ଟ୍ରେଲର ସେୟାର କରି ମାଧୁରୀ ଲେଖିଛନ୍ତି, ଗୋଟେ ମୁହୂର୍ତ୍ତରେ ଷ୍ଟାରଡମ ଗାଏବ ହୋଇପାରେ ବୋଲି ଶୁଣିଥିଲି କିନ୍ତୁ ଜଣେ ସୁପରଷ୍ଟାର ଗାଏବ ହୋଇଯିବ ତାହା କେବେ ଶୁଣିନଥିଲି । ନିଜର ପରଫେକ୍ଟ ଜୀବନ କାହାଣୀ କହିବାକୁ ଆସୁଛି ଅନାମିକା ଆନନ୍ଦ ଖୁବ୍ ଶୀଘ୍ର ।
କୁହାଯାଉଛି କି ଦି ଫେମ ଗେମ ହେଉଛି ଏକ ଫିକ୍ସନ କାହାଣୀ । ଏହା ଅଭିନେତ୍ରୀ ଅନାମିକା ଆନନ୍ଦଙ୍କ ଜୀବନୀ ଉପରେ ଅଧାରିତ ।
