ମୁମ୍ବାଇ (ଏଟିଆର ବ୍ୟୁରୋ): ନିକଟରେ ଅକ୍ଷୟ କୁମାରଙ୍କ ଫିଲ୍ମ ଲକ୍ଷ୍ମୀ ରିଲିଜ୍ ହୋଇଛି । ଏହି ଫିଲ୍ମରେ କିନ୍ନର ଲୁକ୍ ରେ ଅକ୍ଷୟ କୁମାରଙ୍କୁ ଦେଖିବାକୁ ମିଳିଛି । ଏହାରି ମଧ୍ୟରେ ମିଲିନ୍ଦ ସୋମନ ଏକ ଫଟୋ ପୋଷ୍ଟ କରି ସମସ୍ତଙ୍କୁ ଚକିତ କରିଦେଇଛନ୍ତି । ଏହି ଫଟୋରେ ଅକ୍ଷୟଙ୍କ ଲକ୍ଷ୍ମୀ ରୂପ ଭଳି ନଜର ଆସୁଛନ୍ତି ମିଲିନ୍ଦ ।
ଏଥିରୁ ଜଣାପଡୁଛି କି ମିଲିନ୍ଦ ବି ଲକ୍ଷ୍ମୀ ଫିଲ୍ମର ମୁଖ୍ୟ ଚରିତ୍ର ଭଳି କୌଣସି ଚରିତ୍ରରେ ଅଭିନୟ କରିବାକୁ ଯାଉଛନ୍ତି । ସେ ଏହି ନୂତନ ପ୍ରୋଜେକ୍ଟ ବିଷୟରେ ଟ୍ୱିଟ କରି ସୂଚନା ଦେଇଛନ୍ତି । ସେ ଏଥିରେ ଏକ ଅଧା ଫଟୋ ସେୟାର କରିଥିବା ବେଳେ ଏହି ପ୍ରୋଜେକ୍ଟକୁ ନେଇ ଖୁବ୍ ଉତ୍ସାହିତ ଅଛନ୍ତି ।
Spent the last few days in Karjat near Mumbai, now off to Chennai 🙂 I know its not Holi but when you have the opportunity to act, you don't question time and space .. pic.twitter.com/wjC16RLnBQ
— Milind Usha Soman (@milindrunning) November 10, 2020
ଏହି ଫଟୋରେ ମିଲିନ୍ଦଙ୍କ ଆଖି ନଜର ଆସୁଥିବା ବେଳେ ନାକରେ ଏକ ନୋଥ ପିନ୍ଧିଛନ୍ତି । ଏହାସହିତ ଲମ୍ବା କେଶ ରଖିଥିବା ସହିତ ମୁହଁରେ ଗୋଟେ ଫାଳ ସିନ୍ଦୁର ଲଗାଇଥିବାର ନଜର ଆସୁଛନ୍ତି । ମାତ୍ର ଏହି ଲୁକ୍ କୁ ନେଇ ଏପର୍ଯ୍ୟନ୍ତ କୌଣସି ଖୁଲାସା କରି ନାହାନ୍ତି ମିଲିନ୍ଦ ।
