ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ମଶୁର ନିର୍ଦ୍ଦେଶକ ରାମଗୋପାଳ ବର୍ମା ଆଉ ଏକ ହରର ଫିଲ୍ମ ନେଇ ଆସୁଛନ୍ତି । ଯାହାର ନାମ ରହିଛି ‘୧୨ ଓ କ୍ଲକ’ । ଏହି ଫିଲ୍ମରେ ମିଥୁନ ଚକ୍ରବର୍ତ୍ତି, ମକରନ୍ଦ ଦେଶପାଣ୍ଡେ, ଦିବ୍ୟା ଜଗଦାଲେ, ମାନବ କୌଲ, ଅଲି ଅସଗର, ଆଶିଷ ବିଦ୍ୟାର୍ଥୀ, ଦଲୀପ ତାହିଲ, ଫ୍ଲୋରା ସୌନୀ ଏବଂ କୃଷ୍ଣା ଗୌତମ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
ଏହି ଫିଲ୍ମଟି ଆଗାମୀ ବର୍ଷ ଜାନୁଆରୀ ୮ ରେ ରିଲିଜ୍ ହେବ ବୋଲି ରାମଗୋପାଳ ବର୍ମା ଟ୍ୱିଟ କରି ସୂଚନା ଦେଇଛନ୍ତି । ଏହାସହିତ ଏହି ଫିଲ୍ମର ଫାଷ୍ଟ ଲୁକ୍ ବି ସେ ସେୟାର କରିଛନ୍ତି । ଫିଲ୍ମର ଫାଷ୍ଟ ଲୁକ୍ ଦେଖିଲା ପରେ ଲାଗୁଛି କି ଫିଲ୍ମଟି ଖୁବ୍ ସସପେନ୍ସ ଭରପୁର ହୋଇଥିବ ।
ସୂଚନାଯୋଗ୍ୟ, ନିକଟରେ ରାମଗୋପାଳ ବର୍ମାଙ୍କ ସାଉଥ ଇଣ୍ଡିଆନ ଫିଲ୍ମ ‘କରୋନା ଭାଇରସ’ ରିଲିଜ୍ ହୋଇଛି । ଯେଉଁଥିରେ ରିଅଲ ଲାଇଫରେ କିଭଳି ରହିଛି କରୋନା ଭାଇରସର ଡର ସେ ବିଷୟରେ ଦେଖାଯାଇଛି ।
