ମୁମ୍ବାଇ ( ଏଟଆର ବ୍ୟୁରୋ): ପ୍ରଥମ ଥର ୧୯୮୩ ମସିହାରେ ବିଶ୍ୱ କ୍ରିକେଟରେ ଇତିହାସ ରଚିଥିବା ଟିମ ଇଣ୍ଡିଆ ଓ ଭାରତୀୟ କ୍ରିକେଟ ଦଳର ଅଧିନାୟକ ଅଲରାଉଣ୍ଡର କପିଲ ଦେବ ଜୀବନୀକୁ ଆଧାର କରାଯାଇ ନିର୍ମାଣ କରାଯାଉଥିବା ଫିଲ୍ମ ‘୮୩’ର ସୁଟିଂ ଶେଷ ହୋଇଛି । ଏହି ଅବସରରେ କପିଲ ଦେବଙ୍କ ଭୂମିକା ରେ ଅଭିନୟ କରୁଥିବା ରଣବୀର ସିଂହ ଓ କପିଲ ଦେବଙ୍କର ପତ୍ନୀ ରୂପେ ଦୀପିକା ପାଦୁକନଙ୍କୁ ଦେଖିବାକୁ ମିଳିବ । ନିକଟରେ ରିୟଲ ଲାଇଫରେ ପତିପତ୍ନୀ ହୋଇଥିବା ରଣବୀର ଓ ଦୀପିକା ପ୍ରଥମଥର ପାଇଁ ରିଲରେ ଏକାଠି ଅଭିନୟ କରିଛନ୍ତି । ଏହି ଫିଲ୍ମରେ ଦୀପିକାଙ୍କ ରୋଲ ଛୋଟ ହୋଇଥିଲେ ମଧ୍ୟ ଅତ୍ୟତ ଗୁରୁତ୍ୱପୂର୍ଣ୍ଣ ଅଟେ ।ସୁଟିଂ ଶେଷ ହେବା ଖୁସିରେ ମୁମ୍ବାଇରେ ଟିମର ସଦସ୍ୟ ପାର୍ଟି କରିଥିଲେ । ଏହି ପାର୍ଟିରେ ଉଭୟ ରଣବୀର ଓ ଦୀପିକାଙ୍କୁ ଏକ ନିଆରା ଅନଦାଜରେ ଦେଖିବାକୁ ମିଳିଥିଲା । ଏହି ଅବସରରେ ଫିଲ୍ମର ନିର୍ଦ୍ଧେଷକ କବୀର ଖାନ ତାଙ୍କ ସ୍ତ୍ରୀଙ୍କ ସହ ଉବସ୍ଥିତ ଥିଲେ ।
