ନୂଆଦିଲ୍ଲୀ (ଏଟିଆର ବ୍ୟୁରୋ): ଆର ପାରିରେ ବରିଷ୍ଠ ଅଭିନେତା ତାପସ ପାଲ । ଆଜି ସକାଳ ସୁଦ୍ଧା ତାଙ୍କର ପରଲୋକ ହୋଇଛି । ତାଙ୍କ ଦେହାନ୍ତଙ୍କୁ ନେଇ ଉଭୟ ଚ୍ଚଳଚିତ୍ର ଜଗତ ଓ ରାଜନୀତି ଜଗତରେ ଶୋକର ଛାୟା ଖେଳି ଯାଇଛି । ମୁମ୍ବାଇର ଏକ ଘରୋଇ ଡାକ୍ତରଖାନାରେ ତାଙ୍କର ପରଲୋକ ହୋଇଥିବା ଜଣା ପଡିଛି । ମୃତ୍ୟୁ ବେଳଙ୍କୁ ତାଙ୍କୁ ୬୧ ବର୍ଷ ବୟସ ହୋଇଥିଲା । ତାପସ ତାଙ୍କ ଝିଅ ଘରୁ ମୁମ୍ବାଇରୁ କୋଲକତା ଘରକୁ ଫେରୁଥିବା ବେଳେ ବିମାନ ବନ୍ଦରରେ ତାଙ୍କ ଦେହ ଅସୁସ୍ଥ ହୋଇ ପଡିଥିଲା ।
ନିଶ୍ୱାସ ପ୍ରଶ୍ୱାସ ନେବାରେ ସେ କଷ୍ଟ ଅନୁଭବ କରିଥିଲେ । ଫଳରେ ତାଙ୍କୁ ପାଖରେ ଥିବା ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାପସ ୨ ଥର ସାଂସଦ ଓ ବିଧାୟକ ହୋଇଥିଲେ । ରାଜନୀତିରେ ତାଙ୍କର ଏକ ଭଲ ଭୂମିକା ରହିଥିଲା । ସେ ବଙ୍ଗାଳି, ହିନ୍ଦୀ ଓ ଓଡିଆ ଭାଷାର ବହୁ ସିନେମାରେ ନାୟକ ଭାବେ ନଜର ଆସିଛନ୍ତି । ବିଶେଷ କରି ବଙ୍ଗାଳୀ ସିନେମାରେ ତାଙ୍କର ଏକ ସ୍ୱତନ୍ତ୍ର ସ୍ଥାନ ରହିଥିଲା ।
