ବାଲିପାଟଣା (ଏଟିଆର ବ୍ୟୁରୋ); ବାଲିପାଟଣା କୁଳନ୍ତିରା ଅଞ୍ଚଳରେ ଘଟିଛି ଭୟାବହ ଅଗ୍ନିକାଣ୍ଡ । ନିଆଁ ଲାଗିବାରୁ ଜଳିଗଲା ୭ ବଖରା ଘର । ଅଳ୍ପକେ ବର୍ତ୍ତିଲା ଜୀବନ । କିନ୍ତୁ ଘରେ ଥିବା ଆସବାବ ପତ୍ର,ଧାନ ଚାଉଳ ପୋଡି ପାଉଁଶ ହୋଇ ଯାଇଛି । ଘଟଣାସ୍ଥଳରେ ବାଲିପାଟଣା ଦମକଳ ବାହିନୀ ପହଁଞ୍ଚି ନିଆଁକୁ ଆୟତ୍ତ କରିଛି ।
ମିଳିଥିବା ସୂଚନା ମୁତାବକ ରବିବାର ରାତିରେ ଗାଁରେ ନିଆଁ ଲାଗିଥିବା ଦେଖିଥିଲେ ଗାଁ ଲୋକ । ଏହା ପରେ ଘରୁ ଜୀବନ ବଞ୍ଚାଇ ବାହାରକୁ ପଳେଇ ଆସିଥିଲେ । ପ୍ରଥମେ ନିଆଁକୁ ଆୟତ କରିବା ପାଇଁ ଚେଷ୍ଟା କରିଥିଲେ ଏବଂ ପରେ ଅଗ୍ନିଶମ ବିଭାଗକୁ ଫୋନ କରିଥିଲେ । ଦମକଳ ବାହିନୀ ଆସି ନିଆଁକୁ ଆୟତ କଲା ସତ । ସେତେ ବେଳକୁ ସବୁ କିଛି ପୋଡି ପାଉଁଶ ହୋଇ ଯାଇଥିଲା । ଧାନ,ଚାଉଳ,ଆସବାବ ପତ୍ର ସବୁ ମାଟିରେ ମିଶିଯାଇଥିଲା । ଗାଁର ଗାଁର ଗୁରୁ ଚରଣ ଦାସ, ଶ୍ରୀଚରଣ ଦାସ, ପ୍ରାଣକୃଷ୍ଣ ଦାସ ଏବଂ ସ୍ବପ୍ନ ଶରିତାଙ୍କର ୭ବଖରା ଘର ଜଳି ଯାଇଥିବା ଜଣାପଡିଛି ।
