ଭୁବନେଶ୍ୱର (ଏଟିଆର ବ୍ୟୁରୋ); ଶନିବାର ବିଜେଡି ଘୋଷଣା କରିପାରେ ବାକି ଦୁଇ ଆସନ ପାଇଁ ପ୍ରାର୍ଥୀ । ୧୪୭ ବିଧାନସଭା ଆସନରୁ ବିଜେଡି ଏବେ ସୁଦ୍ଧା ୧୪୫ ପ୍ରାର୍ଥୀଙ୍କ ନାମ ଘୋଷଣା କରିସାରିଲାଣି । ପ୍ରଥମ ଦଳ ଭାବରେ ଅଧିକ ପ୍ରାର୍ଥୀଙ୍କ ନାମ ଘୋଷଣା କରିଛି ଦଳ । କେନ୍ଦ୍ରାପଡା ଏବଂ ବାରିପଦା ଆସନକୁ ଛାଡିଦେଲେ ବାକି ଆସନ ପାଇଁ ପ୍ରାର୍ଥୀ ଘୋଷଣା କରିସାରିଲାଣି ଦଳ । ଦଳରେ ବହୁ ଆଶାୟୀ ପ୍ରାର୍ଥୀ ଥିଲେ ମଧ୍ୟ ଦଳ ଆଜି ଯୋଗ୍ୟ ପ୍ରାର୍ଥୀଙ୍କ ନମା ଘୋଷଣା କରିବ ବୋଲି ଶୁଣିବାକୁ ମିଳୁଛି ।
କେନ୍ଦ୍ରାପଡା ଏବଂ ବାରିପଦା ଆସନ ପାଇଁ ପ୍ରାର୍ଥୀ ଘୋଷଣାରେ ବିଳମ୍ବ ହୋଇଥିବାରୁ ସମସ୍ତଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି । ଏହି ଦୁଇ ଆସନରେ ବିଧାୟକ ଥିବା କିଶୋର ତରାଇ ଏବଂ ସାନନ୍ଦା ମାରାଣ୍ଡିଙ୍କ ଟିକେଟ କଟିବ ବୋଲି ଶୁଣିବାକୁ ମିଳୁଛି । ଏଣୁ ଏହି ଦସ୍ୱବ ଆସନରେ ପ୍ରାର୍ଥୀ ଘୋଷଣା କରିବା ପାଇଁ ବିଳମ୍ବ ହୋଇଛି । ଅପରପକ୍ଷରେ କେନ୍ଦ୍ରାପଡାର ହେବିୱେଟ ନେତା ବୈଜୟନ୍ତ ପଣ୍ଡା ବିଜେପିରେ ଯୋଗ ଦେବା ପରେ ଏଠାରେ ରାଜନୈତିକ ପାଣିପାଗ ବଦଳି ଯାଇଛି । ଏଣୁ ବିଜେଡି ଭାବିଚିନ୍ତି ପ୍ରାର୍ଥୀ ଘୋଷଣା କରିବା ପାଇଁ ବିଳମ୍ବ କରୁଛି ।
କେନ୍ଦ୍ରାପଡାରେ ବିଜେଡି ଟିକେଟ ଆଶାରେ ରହିଛନ୍ତି ବହୁ ଆଶାୟୀ ପ୍ରାର୍ଥୀ । ଏମାନଙ୍କ ମଧ୍ୟରେ ଅଛନ୍ତି ପୂର୍ବତନ ବିଧାୟିକା ସିପ୍ରା ମଲ୍ଲିକ୍, ବିଧାୟକ କିଶୋର ଚନ୍ଦ୍ର ତରାଇ, ରାଜେଶ ଦାସ, ମୂରଲୀଧର ସେଠୀ, ଦୁଷ୍ମନ୍ତ ମଲ୍ଲିକ, ଅକ୍ଷୟ ତରାଇ, ମାନସ ମଲିକ୍ ଓ ଆହୁରି ଅନେକ। ତେବେ ଏହି ଆଶାୟୀମାନଙ୍କୁ ଯଦି ଟିକେଟ ନମିଳେ ସେମାନେ ଅଲଗା ଦଳରେ ଯୋଗ ଦେବେ ବୋଲି ମଧ୍ୟ ଶୁଣିବାକୁ ମିଳୁଛି । ବାରିପଦା ବିଧାୟକ ସାନନ୍ଦ ମାରାଣ୍ଡିଙ୍କୁ ଯଦି ଟିକେଟ ନମିଳେ ତେବେ ଅଡୁଆରେ ପଡିପାରେ ବିଜେଡି । କାରଣ ନିର୍ବାଚନ ମଣ୍ଡଳୀରେ ଜାତିଭିତିକ ଭୋଟବ୍ୟାଙ୍କ ରହିଛି ସାନନ୍ଦଙ୍କର । ଯାହାକି ବିଜେଡି ଭୋଟକୁ ମାଇସନ କରିବ । ତେବେ ବିଜେଡି ସୁପ୍ରିମୋଙ୍କ ନିଷ୍ପତି ଉପରେ ରହିଛି ସମସ୍ତଙ୍କ ନଜର ।
