ପୁରୀ (ଏଟିଆର ବ୍ୟୁରୋ): କାର୍ତ୍ତିକ ମାସର ପବିତ୍ର ପଞ୍ଚୁକ ବ୍ରତ ଆଜିଠୁ ଆରମ୍ଭ ହୋଇଛି । । ବିଶ୍ୱାସ ରହିଛି କି କାର୍ତ୍ତିକ ମାସ ଯାକ ବ୍ରତ ରଖି ଯେତିକି ପୂଣ୍ୟ ମିଳିଥାଏ ତାଠୁ ଅଧିକ ପୂଣ୍ୟ ପଞ୍ଚୁକ ବ୍ରତ ରଖିଲେ ମିଳିଥାଏ ।
ଏହି ପଞ୍ଚୁକ ୫ ଦିନ ଯାକ ଶ୍ରୀମନ୍ଦିରରେ ୫ ଟି ବେଶରେ ଦର୍ଶନ ଦେବେ ମହାପ୍ରଭୁ । ପଞ୍ଚୁକର ପ୍ରଥମ ଦିନ ଓ ବଡଏକାଦଶୀ ତିଥିରେ ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ଲକ୍ଷ୍ମୀନାରାୟଣ ବେଶ । ଏହି ବେଶ ଦର୍ଶନ ପାଇଁ ଶ୍ରୀମନ୍ଦିରରେ ଲାଗିଛି ଭକ୍ତଙ୍କ ପ୍ରବଳ ଭିଡ । ଭିଡକୁ ଦୃଷ୍ଟିରେ ରଖି ବଡ ଦାଣ୍ଡରେ ୪୦ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।
ଏହାସହିତ ବଡ ଦାଣ୍ଡରେ ଅସମ୍ଭାଳ ଭିଡକୁ ଦୃଷ୍ଟିରେ ରଖି ମାର୍କେଟ ଛକ ଯାଏଁ ଉଠା ଦୋକାନ ବନ୍ଦ ରଖାଯାଇଛି ।
