ନୂଆଦିଲ୍ଲୀ (ଏଟିଆର ବ୍ୟୁରୋ) ; ସମୁଦ୍ର ଭିତରେ ବିମାନ । ରନୱେରୁ ବାହାରି ସିଧା ସମୁଦ୍ର ଭିତରେ ଯାତ୍ରୀବାହି ବିମାନ । ଏଭଳି ଅଭାବନୀୟ ଘଟଣା ପାପୁଆ ନ୍ୟୁ ଗିନିର ଏକ ସମୁଦ୍ର କୂଳିଆ ଯାଗାରେ ଥିବା ବିମାନବନ୍ଦରରେ ଘଟିଛି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ନିୟନ୍ତ୍ରଣ ହରାଇ ବିମାନଟି ସମୁଦ୍ର ମଧ୍ୟକୁ ପଶିଯାଇଥିବା ଜଣାପଡିଛି । ତେବେ ବିମାନରେ ଥିବା ୩୬ ଜଣ ଯାତ୍ରୀଙ୍କ ସମେତ ୧୧ ଜଣ କ୍ରୁ ମେମ୍ବର ସମ୍ପୁର୍ଣ୍ଣ ସୁରକ୍ଷିତ ଥିବା ଏୟାର ନ୍ୟୁଗିନି ପକ୍ଷରୁ ସୂଚନା ଦିଆଯାଇଛି ।
ସୂଚନା ଅନୁସାରେ , ଗତକାଲି ସକାଳ ୯ ଟା ସମୟରେ ଏପରି ଦୁର୍ଘଟଣା ଘଟିଥିଲା । ମାଇକ୍ରୋନେସିଆରେ ଏକ ବିମାନବନ୍ଦରରେ ବିମାନଟି ଅବତରଣ କରିବା ପାଇଁ ବିମାନବନ୍ଦରରେ ଥିବା ରନୱେ ରେ ଦୌଡୁଥିଲା ।ଏହି ସମୟରେ ବିମାଟି ନିୟନ୍ତ୍ରଣ ହରାଇ ସିଧା ଯାଇ ନିକଟରେ ଥିବା ସମୁଦ୍ର ମଧ୍ୟରେ ପଶିଯାଇଥିଲା । ଖାଲି ସେତିକି ନୁହେଁ ବିମାନଟି ରନୱେ ଠାରୁ ୧୬୦ ମିଟର ଦୂରକୁ ମଧ୍ୟ ଚାଲିଗଲା ।
