ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମ ‘ବାଗୀ୨’ରେ ସଫଳତା ହାସଲ କରିବା ପରେ ,ବଲିଉଡ ଅଭିନେତା ଟାଇଗର ଶ୍ରଫ୍ ଆଜିକାଲି କରଣ ଜୋହରଙ୍କ ଫିଲ୍ମ ଷ୍ଟୁଡେଣ୍ଟ ଅଫ୍ ଦି ଇୟର୨ ର ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ଏହି ଫିଲ୍ମରେ ଟାଇଗରଙ୍କ ସହିତ ଦୁଇଜଣ ଅଭିନେତ୍ରୀ ବଲିଉଡରେ ଡେବ୍ୟୁ କରିବେ । ଏହି ସମୟରେ ଟାଇଗରଙ୍କର ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଟାଇଗର ଏଭଳି କିଛି ହରକତ୍ କରୁଛନ୍ତି । ଯେଉଁଥିରେ ‘ବିଗ୍ ବସ୧୧’ର ଏକ୍ସ କଣ୍ଟେଷ୍ଟାଣ୍ଟ ନାକେଦମ ହେଉଥିବାର ଦେଖିବାକୁ ମିଳୁଛି ।
ଏହି ଭିଡିଓକୁ ଏପର୍ଯ୍ୟନ୍ତ ଏକ ହଜାର ଲୋକ ଦେଖିସାରିଲେଣି ଯେଉଁଥିରେ ଟାଇଗରଙ୍କ ସହ ବେନାଫ୍ସା ନଜର ଆସୁଛନ୍ତି । ଭିଡିଓଟିକୁ ଦେଖିଲା ମାତ୍ରେ ଆପଣ ମଧ୍ୟ କହିବେ କି ଟାଇଗରଙ୍କୁ କ’ଣ ହୋଇଯାଇଛି । ଆଜ୍ଞା ହଁ ଏଥିରେ ବେନାଫ୍ସା ,ଟାଇଗରଙ୍କର ଇଂଟରଭ୍ୟୁ ନେବା ପାଇଁ ଅପେକ୍ଷା କରିଛନ୍ତି କିନ୍ତୁ ଟାଇଗର ଫୋନରେ ସଂପୂର୍ଣ୍ଣ ବ୍ୟସ୍ତ । ଏଥିରେ ଦେଖିବାକୁ ମିଳୁଛିଯେ ବେନାଫ୍ସାଙ୍କର ହଜାର ଚେଷ୍ଟା ପରେ ବି ଟାଇଗର ତାଙ୍କ କଥା ମାନୁନାହାଁନ୍ତି ।
ଏହି ଭିଡିଓକୁ ବେନାଫ୍ସା ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରି ଲେଖିଛନ୍ତି ଯେ, ‘ମୁଁ ଟାଇଗର ଶ୍ରଫ୍ ଙ୍କର ଇଣ୍ଟରଭ୍ୟୁ ନେବାକୁ ଯାଇଥିଲି କିନ୍ତୁ ସେ ତାଙ୍କ ଫୋନରେ ବ୍ୟସ୍ତ ଥିଲେ । ଏବେ ଆପଣ କୁହନ୍ତୁ କି ଟାଇଗର ସର୍ବଦା ତାଙ୍କ ଫୋନରେ ବ୍ୟସ୍ତ ରହିବାର କାରଣ କ’ଣ ହୋଇପାରେ ।’
ଟାଇଗର ମଧ୍ୟ ଏହି ଭିଡିଓକୁ ତାଙ୍କ ଆକାଉଣ୍ଟରେ ସେୟାର କରିଛନ୍ତି । ଏପର୍ଯ୍ୟ ଭିଡିଓଟି କୌଣସି ପ୍ରୋଗ୍ରାମ କିମ୍ବା ବିଜ୍ଞାପନର ବୋଲି ସ୍ପଷ୍ଟ ହୋଇନାହିଁ । କିନ୍ତୁ ଟାଇଗର ଏବଂ ବେନାଫ୍ସାଙ୍କର ଏହି ଭିଡିଓକୁ ୟୁଜର୍ସ ଖୁବ୍ ପସନ୍ଦ କରୁଛନ୍ତି ।
