ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ବହୁଚର୍ଚ୍ଚିତ ଅଭିନେତା ହେଉଛନ୍ତି ହ୍ରିତିକ ରୋଶନ । ତାଙ୍କର ଦକ୍ଷ ଅଭିନୟ ଦର୍ଶକମାନଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛି । ବଲିଉଡରେ ହ୍ରିତିକଙ୍କୁ ୬ ଥର ଫିଲ୍ମଫେୟାର ଆୱାର୍ଡରେ ସମ୍ମାନିତ କରାଯାଇଛି । ଭାରତର ସବୁଠାରୁ ଆକର୍ଷଣ କଳାକାରଙ୍କ ମଧ୍ୟରୁ ସେ ଜଣେ । ସେ ଅନେକ ସୁପରଷ୍ଟାରଙ୍କ ସହିତ କାମ କରିସାରିଛନ୍ତି । ସେହିଭଳି ସେ ତାଙ୍କ ପିତା ରାକେଶ ରୋଶନଙ୍କ ସହ ମଧ୍ୟ କାମ କରିଛନ୍ତି । ତାଙ୍କ ପିତା ଜଣେ ଜଣା ଶୁଣା ପ୍ରଯୋଜକ ସହ ଅଭିନେତା ମଧ୍ୟ । ଦୁଇଜଣ ବାପ-ପୁଅ ଅନେକ ଫିଲ୍ମରେ ଏକାଠି ନଜର ଆସି ସାରିଛନ୍ତି ।
– ଆପ୍ କେ ଦିୱାନେ: ଏହି ଫିଲ୍ମରେ ରାକେଶ ରୋଶନ ମୁଖ୍ୟ ଭୂମିକାରେ ଅଭିନୟ କରିଥିଲେ । ରାକେଶଙ୍କ ବ୍ୟତୀତ ଋଷି କପୁର, ଟିନା ମୁନିମ ମଧ୍ୟ ଥିଲେ । ଏଥିିରେ ହ୍ରିତିକ୍ ତାଙ୍କ ପିତାଙ୍କ ପିଳାଦିନ ଭୂମିକାରେ ଅଭିନୟ କରିଥିଲେ । ସେହି ସମୟରେ ହ୍ରିତିକ୍ ୬ ବର୍ଷର ହୋଇଥିଲେ ।
– ଓମ୍ ଶାନ୍ତି ଓମ୍: ଏହି ଫିଲ୍ମର ଗୀତରେ ବାପ ପୁଅ ଦୁହେଁ ସ୍ପେଶାଲ ଆପିୟରାନ୍ସ ଦେଇଥିଲେ । ଏଥିରେ ଅମୃତା ଅରୋଡା ଠାରୁ ଆରମ୍ଭ କରି ଅମିତାଭ ବଚ୍ଚନ ପର୍ଯ୍ୟନ୍ତ ନଜର ଆସିଥିଲେ ।
– ଭଗବାନ ଦାଦା: ୧୯୮୬ରେ ରିଲିଜି ହୋଇଥିବା ଫିଲ୍ମ ଭଗବାନ ଦାଦାରେ ହ୍ରିତିକ୍ ଶିଶୁ କଳାକାର ଭାବେ ଅଭିନୟ କରିଥିଲେ । ଏହି ଫିଲ୍ମରେ ରାକେଶ ରୋଶନ ମୁଖ୍ୟ ଚରିତ୍ରରେ ଥିଲେ ।
– କୋଇ ମିଲ ଗୟା: ୨୦୦୩ରେ ପରଦାରେ ରିଲିଜ୍ ହୋଇଥିବା ଫିଲ୍ମ କୋଇ ମିଲ୍ ଗୟାରେ ହ୍ରିତିକ୍ ମୁଖ୍ୟ ଭୂମିକାରେ ଥିଲେ । ଏଥିରେ ହ୍ରିତିକ୍ ଙ୍କ ପିତା ଭୂମିକାରେ ଥିଲେ ନିଜେ ରାକେଶ ରୋଶନ ।
