ନୂଆଦିଲ୍ଲୀ(ଏଟିଆର ବ୍ୟୁରୋ): ଆସୁଛି ବଲିଉଡ ଦବଙ୍ଗ ସଲମନ ଖାନଙ୍କ ଆଗାମୀ ଫିଲ୍ମ ରାଧେ । ସଲମାନଙ୍କ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରୁ ଫିଲ୍ମର ଏକ ଭିଡ଼ିଓ ପୋଷ୍ଟ କରି ସୁଟିଂ ଶେଷ ହୋଇଥିବା ସୂଚନା ଦିଆଯାଇ ଥିଲା। ତେବେ ଏବେ ଫିଲ୍ମର ରିଲିଜ ପାଇଁ ପ୍ରସ୍ତୁତି ଚାଲିଛି।ସୂଚନା ଅନୁସାରେ ରାଧେ ଆସନ୍ତା ବର୍ଷ ଇଦ୍ରେ ରିଲିଜ ହେବ,ମେ ୧୨ରେ ଏହା ମୁକ୍ତିଲାଭ କରିବ। ଫିଲ୍ମର ରିଲିଜ ତାରିଖକୁ ନେଇ ମିଟିଂ ହୋଇଥିଲା। ଯେଉଁଥିରେ ପ୍ରଭୁଦେବା, ସୋହେଲ ଖାନ ଓ ସଲମାନ ଖାନ ଉପସ୍ଥିତ ଥିଲେ। ପୂର୍ବରୁ ଏହାକୁ ଆସନ୍ତାବର୍ଷ ଗଣତନ୍ତ୍ର ଦିବସରେ ରିଲିଜ କରିବା ଆଲୋଚନା ହେଉ ଥିଲା। ମାତ୍ର କରୋନା ଯୋଗୁ ଲୋକେ ହଲକୁ କମ୍ ଆସୁଛନ୍ତି ଏହାକୁ ଦୃଷ୍ଟିରେ ରଖି ଏହି ବଡ଼ ବଜେଟ୍ ଫିଲ୍କକୁ ଇଦ୍ରେ ରିଲିଜ କରିବା ଉପରେ ସମସ୍ତଙ୍କ ସହମତି ପ୍ରକାଶ ପାଇଲା।ଫିଲ୍ମରେ ଅଧିକ ଆକ୍ସନ ସିକୁଏନ୍ସକୁ ଦେଖିବାକୁ ମିଳିବ । ଫିଲ୍ମରେ ସଲମାନଙ୍କ ବ୍ୟତୀତ ଦିଶା ପଟାନି, ଜ୍ୟାକି ଶ୍ରଫ ଓ ରଣଦୀପ ହୁଡ୍ଡାଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ ।
