ନୂଆଦିଲ୍ଲୀ,(ଏଟିଆର ବ୍ୟୁରୋ): ବିଗତ କିଛି ଦିନ ଧରି ବଲିଉଡର ଚକୋଲେଟ ହିରୋ ଶାହିଦ୍ କାପୁରଙ୍କ ଷ୍ଟୋମାକ କ୍ୟାନ୍ସର ହୋଇଥିବା ଖବର ସାରା ଦେଶରେ ଛାଇ ହୋଇ ରହିଥିଲା । ଅନ୍ୟପଟେ ଏଭଳି ଖବର ଶୁଣି ଶାହିଦଙ୍କ ପ୍ରଶଂସକମାନେ ଗଭୀର ଦୁଃଖ ପ୍ରକାଶ କରିବା ସହିତ ଇଷ୍ଟାଗ୍ରାମ ଓ ଫେସବୁକରେ ଭାବପୂର୍ଣ୍ଣ ମେସେଜ ପଠାଉଥିଲେ । ଏଭଳି ଘଟଣାକୁ କେହିବି ସହଜରେ ଗ୍ରହଣ କରିପାରୁ ନଥିବା ବେଳେ ଶେଷରେ ସାମ୍ନାକୁ ଆସିଛନ୍ତି ଶାହିଦ ।
ପୂର୍ବରୁ ଶାହିଦଙ୍କ ପରିବାର ଲୋକ କ୍ୟାନସର ଘଟଣାକୁ ଗୁଜବ କହିଥିବା ବେଳେ ଆଜି ନିଜ ଟୁଇଟର ଆକାଉଣ୍ଟରରେ ଏହାର ଖୁଲାସା କରିଛନ୍ତି ନିଜେ ଶାହିଦ । ଏଥି ସହିତ ସେ ସୁସ୍ଥ ଥିବାର ଏକ ଫଟୋ ମଧ୍ୟ ଶେୟାର କରିଛନ୍ତି । ଖାଲି ଏତିକି ନୁହେଁ ଏପରି କିଛି ମିଥ୍ୟା ତଥ୍ୟକୁ ସହଜରେ ଗ୍ରହଣ ନକରିବା ପାଇଁ ସେ ନିଜର ଫ୍ୟାନମାନଙ୍କୁ ପରାମର୍ଶ ଦେଇଛନ୍ତି । ନିକଟରେ ‘ବତି ଗୁଲ ମିଟର ଚାଲୁ’ରେ ଅଭିନୟ କରିଥିବା ଶାହିଦ୍ ଖୁବ ଶୀଘ୍ର ‘କବିର ସିଂହ’ ସିନେମାରେ ନଜର ଆସିବେ, ଯାହାର ଭରପୂର ଉପଭୋଗ ଦର୍ଶକମାନେ କରିବେ ବୋଲି ଆଶା କରାଯାଉଛି ।
