ନୂଆଦିଲ୍ଲୀ (ଏଟିଆର ବ୍ୟୁରୋ): ଜାରି ରହିଛି ଆଇସିସି କ୍ରିକେଟ ବିଶ୍ୱକପ୍ । ଆଜି ହେବ ହାଇଭୋଲଟେଜ୍ ମ୍ୟାଚ୍ । ଭାରତ-ପାକିସ୍ତାନ ମଧ୍ୟରେ ଆଜି ହେବ କଡା ମୁକାବିଲା । ଗୁଜୁରାଟର ଅହମ୍ମଦାବାଦ ନରେନ୍ଦ୍ର ମୋଦି କ୍ରିକେଟ ଷ୍ଟାଡିୟମରେ ଅପରାହ୍ନ ୨ଟାରେ ଖେଳାଯିବ ମ୍ୟାଚ । ଉଭୟ ଟିମ୍ ଦୁଇଟି ଲେଖାଏଁ ମ୍ୟାଚ ଖେଳି ବିଜୟ ହାସଲ କରିଛନ୍ତି ଏହାସହିତ ଭଲ ରନ୍ ରେଟ୍ ସହ ୪ ପଏଣ୍ଟ ଲେଖାଏଁ ହାସଲ କରିଛନ୍ତି ଉଭୟ ଦଳ ।
ବିଶ୍ୱକପରେ ପାକିସ୍ତାନ ବିପକ୍ଷରେ ଜବରଦସ୍ତ ରହିଛି ଭାରତର ରେକର୍ଡ । ଦିନିକିଆ ବିଶ୍ୱକପରେ ପାକିସ୍ତାନ ବିପକ୍ଷରେ ଭାରତରେ ୭ଟି ମ୍ୟାଚ୍ ଖେଳିଛି । ୭ ଟି ଯାକ ମ୍ୟାଚ ଭାରତ ଜିତିଛି । ସେହିପରତ ଆଜିର ମ୍ୟାଚ୍ ଜିତି ରେକର୍ଡ ବଜାୟ ରଖିବାକୁ ଉଦ୍ୟମ କରିବ ଭାରତ ।
