ଗଞ୍ଜାମ (ଏଟିଆର ବ୍ୟୁରୋ); ଦିନକୁ ଦିନ ବଢିଚାଲିଛି ନିଶା କାରବାର । ରାଜ୍ୟର ଏଠି ସେଠି ସବୁଠି ବେଧଡକ ଚାଲିଛି ନିଶା କାରବାର । ଦିନ ଦ୍ୱିପହରେ ପୋଲିସକୁ ଖୋଲା ଚ୍ୟାଲେଞ୍ଜ ଦେଇ ନିଶା ସାମ୍ରାଜ୍ୟର କାୟା ବିସ୍ତାର କରିଚାଲିଛନ୍ତି ନିଶା ମାଫିଆ । ଏହି ନିଶା ପାଇଁ ଅନେକ ଘର ଭାଙ୍ଗିଯାଉଛି, ଆମ ଭବିଶ୍ୟତ ପିଢୀ ନିଶା ସେବନ କରି ନିଜ ଭବିଶୟତକୁ ଛାରଖାର କରିଦେଇଛନ୍ତି । ଯାହା ଆମ ସମାଜ ପାଇଁ ସୁଭଙ୍କର ନୁହେଁ । ଏଭଳି କିଛି ଖବର ପ୍ରତିଦିନ ଖବରର ଶିରନାମା ପାଲଟିଥାଏ ।
ନିକଟ ଅତିତରେ ବହୁ ଜାଗାରୁ ବହୁ ପରିମାଣର ଅବକାରି ଜିନିଷ ଧରାପଡିଥିଲେ ମଧ୍ୟ ନିଶା ମାଫିଆ ମାନଙ୍କର ଟିକେବି ଭୟ ନାହିଁ । ଗଞ୍ଜାମ ଜିଲ୍ଲା ହିଞ୍ଜିଳି ପୋଲିସ ଦ୍ଵାରା ୩ ଗଞ୍ଜେଇ ମାଫିଆ ଗିରଫ । ହିଞ୍ଜିଳି ଖଣ୍ଡରା ଛକରୁ ଏମାନଙ୍କୁ କାବୁ କରିଛି ପୋଲିସ। ସେମାନଙ୍କ ନିକଟରୁ ୪୫ କିଲୋଗ୍ରାମ ଗଞ୍ଜେଇ ସହ ଏକ ଦାମି କାର ମଧ୍ୟ ଜବତ କରାଯାଇଛି ।
ଏହି ଗଞ୍ଜେଇ କନ୍ଧମାଳରୁ ଦିଲ୍ଲୀ ଚାଲାଣ ହେଉଥିଲା ବୋଲି ପୋଲିସ ପକ୍ଷରୁ ସୂଚନା ମିଳିଛି ।
